29 C
Guwahati
Saturday, October 31, 2020
  • जागायनाय
  • भिदिअ
  • टाइम कास्ट
More

    फालांगि आरो बर’ आइजो

    टाइम8बर’ देक्सनिफ्राय-

    आइजोफोरा बायदि फालांगि खालामनानैबो गावनि नखरखौ रांखान्थि बिथिङाव जौगासारनो थाखाय मोजां राहा दानानै लानो हायो। बिदिनो आइजोफोरा फालांगिखौ गावनि हायाव मोननाय फसलफोरखौबो लानानै खालामनो हायो।

    लोगोसे गुबुननि मुवा-बेसादफोरखौ बायस’लाय- फानलाय खालामनानैबो फालांगि खालामनो हायो। गुबुन हारिनि आइजोफोरा फालांगि खालामनानै रांखान्थिआव गोगोम जानायखौ नुनो मोनदों । आइजोफोरा फालांगि फारसे दावखोनो थाखाय सोलोंथायनि गोनांथि दं ।

    सोलोंथाइ गैयाब्ला आथिखालाव मुगायाव फालांगि मावनाया जाफुंसारनाया गोब्राब। बि बेलायाव बर’ हारिनि आइजोफोरा जाबादि सोलोंथाइ जानांगौ बि बादि जाफुंसाराखै। बिनिखायनो बर’ आइजोफोरा दिनैसिमबो मोजां फालांगियाव जाफुंसारनायखौ नुनो मोनाखै।

    फालांगियाव जाफुंसारनो थाखाय सोलोंथाया गोनांथि दं। फालांगिखौ जाफुंसार होनो थाखाय साफ्रोमबो बर’ आइजोफोरा सोलोंथायाव गोसो होनांगौ। नाथाय गुबुन हारिनि आइजोफोरा बेनि फारसे सांग्रां जानायखौ नुनो मोनो ।

    बर’ हारिनि आइजोफोरा आगोलनिफ्रायनो फिसा-फिला फालांगि खालाम बोनायखौ नुनो मोनदों। नाथाय गिदिर फालांगि मावनाया नेहाथ। आसि बिजौआव हानायावनो दं ।

    बर’ नखरफोराव गाव मावनानै मोननाय फसलफोरखौल’ सक-बाजारफोराव फाननानै रां खामायनाय नुनो मोनो। बर’ आइजोफोरा दानाय-लुनायाव आखा-फाखा।

    नाथाय फालांगिनि थाखाय हिसानसालि फसंनाया नेहाथ। बिदि बर’ आइजोफोरा हिसानसालि फसंथान फसंनानै दावखो लांनो फालांगि खालामोब्ला रांखान्थि बिथिङाव जौगागोनखौ मिजिंथिनो हायो।

    नाथाय दुखुनि बाथ्रा दि गुबुन हारिनि हिसानसालि फसंथानफोरावसो माखासे बर’ आइजोफोरा सि दाहैनानै बिसोरखौसो रांखान्थिनि बेलायाव जौगासार खालामनायखौ नुनो मोनो।

    बियो थार बाथ्रा दि खायसे बर’ आइजोफोरा गाव फसंथान खालामनो हायाबाबो गुबुननियाव खामानि मावनानै रांखान्थि बिथिङाव एफा-एनै जौगानो हापायखौ नुनो मोनदों।

    बर’ आइजोफोरा मैगं-थाइगंल’ फानाबालासिनो गिदिर गला होयोब्ला रांखान्थि बिथिङाव जौगासार जानो हासिनगौखौ साननो हायो। बिदि गिदिर गलाफोर होनो थाखाय आथिखालाव सोरखार एबा बेंकफोरनिफ्राय मदद लानानै फालांगि खालामनो हायो।

    सोरखारा सम-सम फोरोंथाइ होनायाव ट्रेनिं लानानै सोरखारनि बिथांखिफोरखौ जाफुंहोनायनि असिलायै बर’ आइजोफोरा फालांगि मावनो हायो। दिन्थि हिसाबै हाखर जावनानै ना फिसिनाय, दाव, हांसो, अमा, बोरमा बायदि फिसिनानै रांखान्थि खामायनो हायो।

    लोगोसेनो मोसौ गाय फिसिनानै गायखेर फाननानैबो रां खामायनो हायो। बर’ आइजोफोरा रांखान्थि फारसे गुवारै जौगासारनो थाखाय हांसो फार्म, दाव फार्म, अमा फार्म , डाइरी फार्म खुलिनानै फालांगि खालामनो नाजायोब्ला रांखान्थि बिथिङाव जौगासारनो हानायखौ नुहुरो।

    आबादनि बेलायावबो हौवाफोरखौ लामा नायाबालासिनो थालिर बागान , माय, बेसर, मैगं-थाइगंनि आबाद मावनानै फाननानै रांखान्थि फारसे जौगासारनो हायो। बिनिखायनो सोरखारि साख्रिखौ लामा नायाबालासिनो गावफसंथान फसंनानै गावनो-गावनि आथिङाव गसंनो थाखाय जाखांफुनाय बर’ आइजोफोरा दावगा बोनो सम जाबाय ।

    बर’ आइजोफोरा मावथि आरो मेंरोङै जानायलाय फालांगियाव मोजाङै आगान होयोब्ला गाव, नखर, समाज, ओनसोला जौगासार जानो हागोन बिनि सायाव गोथौ फोथायनाय दं ।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    बिजया दसमी सानाव कक्राझाराव आलादायै ज्योतिका ब्रह्मआ नांगोल लानानै बिमा दुर्गा देबिनाव बोर लाखिदों

    दिनै गोहोनि बिमा दुर्गा देबिनि बिजया दसमी सान थामहिनबा जोबथा बिदाय सान।

    बर’ रावा गिबिआव थानायाव अजद गैया, नाथाय असमीया रावा लोगो राव जानो हाया: एमपि नब’ कुमार सरनीया

    81% सुबुङा असमीयाआव फरायदों। नाथाय बिटिसिआव बर’ रावखौ गाहाइ राव खालामनाया दुखुनांथाव।

    सिखा-थुंग्रि लानानै दुंहाव थासारि खालमनाय बज्रं दोलोनि सायाव पुलिसनि जुरिमाना

    आखाइयाव गोबौ हाथियार लानानै नोगोराव हान्जा सुरनायाव नोगोरारिफोरनि गोसोआव गिनाय सोमजिहोदों

    बिटिआराव जेब्लासिम गोदान सोरखार सोलाया अब्लासिम दारि-खानाय सिना होन्नानै सदबांसा लानाय बाहारुल आलिजों दान्दिसे

    बे जिबा बोसोराव भिसिदिसिनि मासिगिरिआ साथामसो सोलायबाय৷ अब्लाबो रावबो सासेआनो बिथां बाहारुल आलिनि थाखाय न’ गंसे,आइबिएस आरो खिख’रसालि होयासै৷

    गिख्रंथाव! थसे बिड़िनि थाखायनो बिबथैआ गोबौ हाथियारजों सुनानै बुथारदों बियादैखौ

    बागसा जिल्लानि निकासि पुलिस थानानि सिङाव थानाय 1 नं मधुपुराव बे गिख्रंथाव जाथाया जादों।

    सिराङाव हाग्रा बिफाननि सिग्रोमनायाव गंब्रै मथर हमदों

    सिरां जिलानि डि.एफ.अ. ब्रह्मानन्द पातिरिआ फोरमायदों दि, गोबाव समनिफ्रायनो बेफोरबादि आयेन बेरेखायै गांसे सालानजोंनो गोबां बार अन्थाइ, बाला रोगानायआ सोलिबाय थादों