टाइम8, फेब्रुवारी 27 : भारतनि क्रिकेट टिमनि अलराउन्डार गेलेगिरि युसुफ पाठानआ गासै क्रिकेट बिथिंनिफ्राय आजिरा लानो सिगांदों।
भारतखौ खेब नै वर्ल्ड काप देरहा होनो हानाय आरो भारतनि क्रिकेट टिमनि अलराउन्डार गेलेगिरि युसुफ पाठानआ गासै क्रिकेट बिथिंनिफ्राय आजिरा लानो फोरमायो।
मखनो गोनांदि, युसुफ पाठानआ थांनाय 26 फेब्रुवारी खालाराव गावनि टुइटार एकाउन्टनि गेजेरजों टुइट खालामनानै फोरमायदोंदि, गावनि नखर, लोगो, फेन्स, टिम, कच्सेस आरो हादोरनि गासै राइजो-राजाफोरनि अननाय सिबिनाय आरो हेफाजाबजों क्रिकेट बिथिंनिफ्राय आजिरा लानो होननानै फोरमायो।
भारतनि क्रिकेट टिमनि अल राउन्डार युसुफ पाठानआ 2007 माइथाइयनि टी-20 वर्ल्ड काप आरो 2011 माइथाइयनि 50 अभारनि वर्ल्ड काप देरहानो हानायाव बिथांआबो भारतनि क्रिकेट टिमनि जानानै बाहागो लानानै देरहासार जाहोनो हादोंमोन।