27 C
Guwahati
Saturday, October 31, 2020
  • जागायनाय
  • भिदिअ
  • टाइम कास्ट
More

    बर’ बिजोंनि फरायसा मनदिप रामसियारीआ 2020 माइथायनि NEET आनजादाव उथ्रिसारदों

    टाइम8//बाकसा//अक्ट’बर17

    अल इण्डिया कम्पेटिटिभ आनजाद इं 2020 मायथाइनि NEETआव बाकसा जिला बरमा हालाम, जुलि मैदाननि थागिबि बिपिन रामसियारी आरो रुपाइस्रि बर’नि फिसाज्ला मनदिप रामसियारीआ उथ्रिसारदों।

    मख’नो गोनां दि सोद्रोम आखुनि मनदिप रामसियारीआ जेबो कचिं लायाबालासिनो गावनि गोख्रों नाजाथाबनायजोंनो बे आनजादखौ उथ्रिनो हादों।

    उन्दैनिफ्राइनो बर’ बिजोंजों फरायनानै बरमा बाथौ आस्रम गोजौ फरायसालिनिफ्राय इं 2017 मायथाइयाव 92% नम्बर लानानै मेट्रिक आनजादाव डिस्टिंसन लानानै आरो इं 2019 मायथाइयाव 81% नम्बर लानानै HS आनजादाव उथ्रिनो हादोंमोन।

    मनदिप रामसियारीनि बे जाफुंसारनायाव Pioneer Academyनि सामलायगिरि मनिन चन्द्र बर’ आरो रनजित स्वर्गियारिमोना गोजोननाय फोरमायनायजों लोगोसे इयुनाव जाफुंसार जानो थाखाय हामलायथि बाउहरदों। बेजों लोगोसे Pioneer Academyनि साफ्रोमबो फोरोंगिरिफोरा मनदिप रामसियारीनि जाफुंसारनायाव गोजोननाय फोरमायनादों।

    मिथिनो मोननाय बादियै बिथाङा 720 नम्बरनि जायगायाव 494 नम्बर मोननो हानानै अल इण्डिया रेंकिंनि 92,065 आरो एस.टि. रेंक .847 मासियाव दं।

    जोंनि खौरांगिरिजों जानाय मोगा-मोगिआव मनदिप रामसियारीआ इयुनाव सासे जाफुंसार डाक्टार जानायजों लोगोसे मेडिसिननि सासे रिसार्स स्क’लार जानायनि थांखि दं होनना फोरमायो।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    बिजया दसमी सानाव कक्राझाराव आलादायै ज्योतिका ब्रह्मआ नांगोल लानानै बिमा दुर्गा देबिनाव बोर लाखिदों

    दिनै गोहोनि बिमा दुर्गा देबिनि बिजया दसमी सान थामहिनबा जोबथा बिदाय सान।

    बर’ रावा गिबिआव थानायाव अजद गैया, नाथाय असमीया रावा लोगो राव जानो हाया: एमपि नब’ कुमार सरनीया

    81% सुबुङा असमीयाआव फरायदों। नाथाय बिटिसिआव बर’ रावखौ गाहाइ राव खालामनाया दुखुनांथाव।

    सिखा-थुंग्रि लानानै दुंहाव थासारि खालमनाय बज्रं दोलोनि सायाव पुलिसनि जुरिमाना

    आखाइयाव गोबौ हाथियार लानानै नोगोराव हान्जा सुरनायाव नोगोरारिफोरनि गोसोआव गिनाय सोमजिहोदों

    बिटिआराव जेब्लासिम गोदान सोरखार सोलाया अब्लासिम दारि-खानाय सिना होन्नानै सदबांसा लानाय बाहारुल आलिजों दान्दिसे

    बे जिबा बोसोराव भिसिदिसिनि मासिगिरिआ साथामसो सोलायबाय৷ अब्लाबो रावबो सासेआनो बिथां बाहारुल आलिनि थाखाय न’ गंसे,आइबिएस आरो खिख’रसालि होयासै৷

    गिख्रंथाव! थसे बिड़िनि थाखायनो बिबथैआ गोबौ हाथियारजों सुनानै बुथारदों बियादैखौ

    बागसा जिल्लानि निकासि पुलिस थानानि सिङाव थानाय 1 नं मधुपुराव बे गिख्रंथाव जाथाया जादों।

    सिराङाव हाग्रा बिफाननि सिग्रोमनायाव गंब्रै मथर हमदों

    सिरां जिलानि डि.एफ.अ. ब्रह्मानन्द पातिरिआ फोरमायदों दि, गोबाव समनिफ्रायनो बेफोरबादि आयेन बेरेखायै गांसे सालानजोंनो गोबां बार अन्थाइ, बाला रोगानायआ सोलिबाय थादों