टाइम8, फेब्रुवारी 27 : सासे फरायसाया पुलिस अफिसारनि फसाक गाननानै नंखाय पुलिस अफिसारनि फाव दोन्थिनानै थांनाय शुक्रबारनि हरनि समाव पुलिस अफिसारजों हमजादों।
कुलजित बइस्य मुंनि सासे फरायसाया नंखाय आसाम पुलिस अफिचारनि फसाक गाननानै गंसे रयेल इन्फिल्ड मथर साइकेलजों फैनानै गरचुक थानानि सासे डिउटिआव थानाय आसाम पुलसि अफिचारखौ गाज्रि आखु दिन्थिनानै हमजायो।
मखनो गोनांदि, धारापुर आजरानि कुलजित बइस्य मुंनि नंखाय पुलसि अफिचारा गंसे AS-01 el-7523 नंनि रयेल इन्फिल्ड मथर साइकेलजों थांनाय सुख्रबारनि हरआव गुवाहाती नोगोरमानि गरचुक पुलिस थानानि सासे पुलसि अफिचारआ डिउटि होबाय थानाय अफिचारनि सायाव गाज्रि आखु दोन्थिदोंमोन होनना मोन्थिनो हानाय जादों।
गरचुक पुलसि थानानि सासे अफिचारआ नाइबिजिरनायनि उनावनो गुबै जाथाया सोरांआव फैयो दि, नंखाय पुलिस अफिचारनि फाव खालामना गाज्रि आखु दोन्थिनायनि दाइआव गरचुक पुलसि थानायाव 171/353/274(A)/419 सेक्सननि सिंआव केस रेजिस्थार खालामना नाइबिजिरनाय जायो होननाबो मोन्थिनो होनाय जादों।
आरो फरायबाव : गोरोन्थिया सोरनिमोन… आं मिथिस्लाबासै