27 C
Guwahati
Wednesday, December 1, 2021
More

    साहा-ढेकियाजुलि दख’रा एबसुनि मावख’वाव बुफाय बुसि खालामनायनि सायाव सनितपुर जिल्ला दुलाराय बर’ फरायसा आफादनि खौरांगिरिनि मेल

    टाइम8, ढेकियाजुलि, अक्टबर 14 : दिनै फुंनि 3:30सो रिंगायाव सनितपुर जिल्लानि सिङाव थानाय साहा-ढेकियाजुलि दख’रायाव जानाय बुफाय बुसि खालामनायखौ लानानै सनितपुर जिल्ला दुलाराय बर’ फरायसा आफादा खौरांगिरिनि‌ मेल खुंदों।

    बिथांमोना फोरमायनाय बादिब्ला बातासिपुराव जानाय दुर्गा फुजायाव गुबुन गुबुन ओनसोलफोर अदालगुरि, माजबात, टंला, रौता, रांङापारा बायदि जायगाफोरनि लाइमोनफोरा फैनानै सोरखारनि कभिद-19 नि‌ नेमखान्थिफोरखौ मानिया लासिनो फेग्रा मुवा लानानै दावराव दावसि खालामबाय थानायखौ सा‌हा-ढेकियाजुलि दख’रानि मावथिफोरा हेंथा होदोंमोन।

    बेनिनो हेंथा माखासे दुथां सुबुंफोरा साहा-ढेकियाजुलि दख’रानि मावख’आव फैनानै मावख’नि माल माथाफोरखौ बुफाय बुसि खालामफैयो।

    👉टाइम8बर’ इयुटुब सेनेलखौ नायनो थाखाय बेवहाय थुनानै हो-https://www.youtube.com/c/TIME8Bodo

    उनाव पुलिसफोरा फैनानैसो थासारिखौ दबथायनो हायो। मख’नो गोनांदि जाथायजों लोब्बा थानाय साब्रै सुबुंखौ पुलिसफोरा हमनो हाबाय ।

    हमजानाय सुबुंफोरखौ माजबात बाहादुर आदर्ष अदालगुरिनि जोमै मोसाहारि, काजियामाटि अदालगुरिनि बिलिफां बसुमतारी, बरन’गाव अदालगुरिनि सार्जन बर’ आरो माजबात दैमासांगानि प्रबिन नारजारि आरो ओनसोलनिनो‌ साथाम लाइमोनफोरखौबो हमनाय जायो।

    1नं बातासिपुरनि गनेस दैमारि, सोरांजुलिनि फोथाय बसुमतारी आरो सोरांजुलि गामिनिनो सैथो मोसाहारि‌ होनना सिनायथिनाय जादों।

    हमजानाय गासैखौबो आयेन बेरेखा खामानि फेग्रा मुवा लानाय गान्जा सोबनाय बायदिजों लोब्बा दं होनना फोरमायथियो दुलाराय बर’ फरायसा आफादनि बोसोनगिरि खुंख्रा सोर्गियारिआ।

    लोगोसे थाबैनो बाथासिपुर ओन्सोलाव माखासे सेंग्रा सिख्ला लाइमोनफोरा फेग्रा मुवा लानायखौ होबथानांगौ आरो दिनै फुंआव बे जाथायनि दायाव सा ब्रै लाइमोन सेंग्राया समाजनि हेंथा मावनायाव हमजानाया मोननांगौ साजाखौ होथारनांगौ होनना दाबि दैखांयो सनितपुर जिला दुलाराइ बर’ फरायसा आफादनि आफादगिरि राजेस बसुमतारिया ।

    टाइम8बर’आव बायदि फोसावनो लुबैयोब्ला बे जानबुङाव खौरां लानो हागोन । सुलाद लानायनि जानबुं: 8404085908

    आरो फरायबाव : सानैनिफ्राय बांसिन थानाय बिमा-बिफानो सासे मन्थ्रिया बान्था होदों

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं