27 C
Guwahati
Saturday, October 31, 2020
  • जागायनाय
  • भिदिअ
  • टाइम कास्ट
More

    तामुलरपुरनि कसुकाटायाव लोरबांथार कालभार्ट बानायदों : राइजोफोरनि अजद

    टाइम8// तामुलपुर//29 सेप्टेमबर 2020

    तामुलपुर महकुमानि बेन्दोंआव थानाय लतिबारि- कसुकाता-बेलबारि फोनांजाबनाय पि.डब्लिउ.डि. लामायाव गंसे पाकानि कालभार्ट बानायनायनायाव थिखादार आरो पि.डब्लिउ.डि.बिफाननि गोरोबलायनायजों  गोबां बेले-बेजेनि गेजेरजों लोरबांथार जोदों होननानै ओनसोलनि राइजो-राजाफोरा अजद दैखांदों। ओनसोलनि राइजोफोरआ अजद दैखांनाय बादिययै बे कालभार्ट बानायनायाव थिखादारआ गोग्लैसोनानै थानाय क्रेसाप मिलनिफ्राय बायफ्लेनाय गोजाम अन्थाइ, मोजां बाला होनांगौनि जायगायाव जायगायाव हा थादेरनाय बाला, गिदिर-गिदिर अन्थाइजों सिमेन्ट लगायनानै लहानि रड बाहायालाबानो कालभार्ट लुनायनि खामानिखौ जागायजेननो लादोंमोन। ओनसोलनि थागिबि राइजो-राजाफोरनि गोनांथि बादियै कालभार्ट लुनाय खामानिखौ थिखादारनि जोहै मोजाङै मावफुंनो थिनसेयावबो मोजां मावैनि थाखायनो दिनै फुंनिफ्राय राइजो-राजाफोरा बे खामिनखौ होबथानानै बन्द खालामना दोनबाय। ओनसोलनि राइजोफोरा अजद होनाय बादिब्ला बावैसो बोसोरनि सिगां बेबादनो लोरबां थाखोनि कालभार्ट बानायनानै होदोंमोन। नाथाय बेबो खम समनि गेजेरावनो बायलांदोंमोन। गुबुन फारसेथिङै बे कालभार्टखौ मावबाय थानाय मिस्थ्रिफोराबो थिखादारनि बिथोन बादियैनो खामानिखौ मावदों होननानै बुङो। जाहाथे खामनि मावनाया राइजोफोरनि मोजांनि थाखाय जायो बेखौ मोजाङै नोजोर होनो थाखाय तामुलपुराव थानाय पि.डब्लिउ.डि. मावख’नि Excutive Engineerजों लोगोसे मावख’गिरिफोरखौ मोजाङै नोजोर होनो खावलायदों।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    बिजया दसमी सानाव कक्राझाराव आलादायै ज्योतिका ब्रह्मआ नांगोल लानानै बिमा दुर्गा देबिनाव बोर लाखिदों

    दिनै गोहोनि बिमा दुर्गा देबिनि बिजया दसमी सान थामहिनबा जोबथा बिदाय सान।

    बर’ रावा गिबिआव थानायाव अजद गैया, नाथाय असमीया रावा लोगो राव जानो हाया: एमपि नब’ कुमार सरनीया

    81% सुबुङा असमीयाआव फरायदों। नाथाय बिटिसिआव बर’ रावखौ गाहाइ राव खालामनाया दुखुनांथाव।

    सिखा-थुंग्रि लानानै दुंहाव थासारि खालमनाय बज्रं दोलोनि सायाव पुलिसनि जुरिमाना

    आखाइयाव गोबौ हाथियार लानानै नोगोराव हान्जा सुरनायाव नोगोरारिफोरनि गोसोआव गिनाय सोमजिहोदों

    बिटिआराव जेब्लासिम गोदान सोरखार सोलाया अब्लासिम दारि-खानाय सिना होन्नानै सदबांसा लानाय बाहारुल आलिजों दान्दिसे

    बे जिबा बोसोराव भिसिदिसिनि मासिगिरिआ साथामसो सोलायबाय৷ अब्लाबो रावबो सासेआनो बिथां बाहारुल आलिनि थाखाय न’ गंसे,आइबिएस आरो खिख’रसालि होयासै৷

    गिख्रंथाव! थसे बिड़िनि थाखायनो बिबथैआ गोबौ हाथियारजों सुनानै बुथारदों बियादैखौ

    बागसा जिल्लानि निकासि पुलिस थानानि सिङाव थानाय 1 नं मधुपुराव बे गिख्रंथाव जाथाया जादों।

    सिराङाव हाग्रा बिफाननि सिग्रोमनायाव गंब्रै मथर हमदों

    सिरां जिलानि डि.एफ.अ. ब्रह्मानन्द पातिरिआ फोरमायदों दि, गोबाव समनिफ्रायनो बेफोरबादि आयेन बेरेखायै गांसे सालानजोंनो गोबां बार अन्थाइ, बाला रोगानायआ सोलिबाय थादों