PK सावथुननि 2थि खोन्दो दिहुननो थियारि : फाव खालामगोन रनबिर कापुर
टाइम8, फेब्रुवारी 21 : आमिर खान फाव खालामनाय PK सावथुनआ थांनाय 2014 मायथाइयावनो ओंखारदोंमोन। मख’नो गोनां दि, बे सावथुनआ गोबां अनसायनाय मोनदोंमोन।
इं 2014 मायथाइयावनो दिहुनजानाय PK सावथुनआव फावगिरि महरै दंमोन रनबिर कापुर, शुसान्त सिं राजपुत, अनुस्का सर्मा आरो गोबां।
बे समाव मिथिनो मोनदों दि, PKसावथुननि 2थि खोन्दोखौ दिहुननायनि थाखाय लाहार फाहार खालामनाय जादों। गुबैयै PKसावथुननि जोबथा समाव रनबिर कापुरखौ बुहुमाव गिदिंबोफिननायनि मोनसे सिन दिन्थिनाय जादोंमोन। बेखौ लानानैनो PK सावथुननि 2थिु खोन्दोखौ दिहुननो लानाय जादों होनना सावथुन दिथागिरि बिन्दु सप्राया मिथिहोदों।
गुबुन फारसेथिं बे सावथुननि खामानिखौ माब्लानिफ्रा जागायगोन बेथि थि समखौ फोरमायथनाय जायाखैब्लाबो फावखुंगुर रनबिर कापुरआनो बे सावथुननि थाखाय गुबै फावगिरि महरै थागोन होनना मिथिहोदों।
आरो फरायबाव : आबादारिफोरनि सुजुग-सुबिदाखौ नोजोर होनानै गोदानै ‘Custom Hiring Center’ बेखेवदों