27 C
Guwahati
Wednesday, October 28, 2020
  • जागायनाय
  • भिदिअ
  • टाइम कास्ट
More

    फिननाय गैयि सोंथि

    लिरगिरि लिला बसुमतारी

    आं गोजोनै उन्दुनानै दंमोन
    माखासे सिमांफोरखौ नेनानै
    आं निजोमै नेनानै दंमोन
    गोथां हाबिलानि फान्दो साना
    मिजिंनि लु सुदोंमोन
    माखासे गोरबोखौ जथायनानै।

    मिनिनो बावगारनाय मेगन आव
    बाबेनलांनाय माखासे सावमुंफोरखौ
    स्नेप खालामनानै लादोंमोन
    गोरबोआव
    माखासे जिउ गैयि सोदोबफोरा
    आन्दाय होजाबाय माया जेआव।

    सानस्रिफ्रा अब्ला आराव जायाखैमोन
    मोन्दांथिनि सेर फागायना
    फलान गोसोआ मैहुर खालामदोंमोन
    जेब्ला आं सेफालि जाना
    हराव मिनिदोंमोन
    अब्लासो आं हमदां हादोंमोन
    सिमांनि गाबफोरखौ बियो
    बिखायाव लाखुमा जोबदोंमोन।

    जेब्ला मोन्दांथिया आराव जाबाय
    जिउ फागुनाव मान्दार, सिमलिफ्रा
    मिनिस्रांबाय
    दान्दिसे बुहुमनि सोलेरफोरजों
    मुसुखा मोसाहोनायाव
    जिनाहारि खालाम जाबाय नों
    मुंखौ लाना
    फावखुंग्रिनि महर मोनबाय नों
    बुहुम सायना सालियाव।

    जेब्ला आं सिरि मोनखांओ
    अब्ला आं ,आंल’थारसैमोन
    सोंलुफोरा बाराव होंगो दोंगो जायो
    फिननाय फोरा नाथाय निजोम
    आलो गोजोनै उन्दूलांओ
    गोरान बिलाइनि सेराव
    बिबार महरै सिरिलांओ।

    गोसोनि सावमुंफोरा
    जुजायनि अर जाना
    गोरबोखौ रोमो रोमो खामहोयो
    खामग्लिनाय दाहानि अर सेरेबफ्रा
    मोनफा मोनफा बिसम्बि जाना
    बार आव बिरथिंओ।

    सोरगिदिं सोंलु रिंखांओ
    फिननाया नाथाय गैया
    अब्लाबो नागिरो फिननाय
    मानो?
    मानि थाखाय?
    मानि जाहोनाव गावनि मुंखौनो
    गावनो गाव जिनाहारि खालामखो
    मानो???????????????

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    बिपिएफ दोलोआव थाबैनो हाबनोबा हाबखादो नङाब्ला लामाखौ बन्द खालामनोसै: हाग्रामा महिलारी

    बिपिएफनि आफादगिरि हाग्रामा महिलारीया बुङोदि जायफोरा बिपिएफखौ मोजां मोन्नानै हाबफैनो गोसो बिथांमोनहा थाबैनो हाबखादो नङाब्ला लामाखौ बन्द खालामनोसै।

    मबाइलआथ’ गोजाननि बाथ्रा, आइथेंङाव गाननो सेन्दलआनो गैया अब्लाबो गसंदों बिसाइख’थि गेलेनो

    मख'नो गोनां दि बेनि आगोलावबो 72 बोसोर बैसोनि भरत मेहतआ गोबां खेब बिसाइख'थि गेलेखांबाय

    भुटान जेलआव रुंसारि जानाय सुबुंनि सोलेरखौ सिरां पुलिसनो गथायदों

    हरखाब दिनै 26 बोसोरनि उनाव खर्ग बाहादुर प्रधाननि गोथै देहाखौ बेबाद गथायफैनायखौ लानानै सिरां जिलानि गर्खा सुबुंफोरनि गेजेराव सोमोनांहोदों

    गिख्रंथाव क’रना जिउसानिफ्राय रैखाथि आरो मुलुग गोजोननि थाखाय जग्य आहुति सावदों

    मख'जाथावदि स्वामी नबिन ब्रह्मारिआ गोबाव सम ध्यान खालामनानै इस्वोरनि गियान मोन्नो हानानै सिखनाझारनि उल्था बाबा ग्यानज्योति थानसालिखौ दैदेनबोदों।

    गहपुरआव मुगैथाव जिनाहारि खालामनानै बुथारनायनि थार बिजिरनाय आरो सांग्रांथि मेल

    जानमनि कुतुमखौ बुथारनायनि दायनिगिखौ फार्स्ट-ट्रेक आदालटनि गेजेरजों बिजिरनानै साजा होनांगौ

    पाकिस्तानआव नख’रारि दावहा जानायनि इसारा

    सिन्ध प्रदेशनि पुलिस आरो पाकिस्तान आरमिनि गेजेराव गोबां गावलायलायनाय जादों

    बिटिसि बिसायख’थिखौ लानानै पिजेएसिबिएमआ बिसायख’थि आयगनि बेरेखा होनाय केसनि हियारिंखौ 5 नबेम्बराव होनाय जागोन

    गोजौ बिजिरसालिआ बिथोन होदों दि आसाम केबिनेटा लानाय बिथांखिखौ बिसायख’थि आयगा गनायनानै लानो नांगोन।