17 C
Guwahati
Friday, December 4, 2020
  • जागायनाय
  • भिदिअ
  • टाइम कास्ट
More

    गिख्रंथाव! थसे बिड़िनि थाखायनो बिबथैआ गोबौ हाथियारजों सुनानै बुथारदों बियादैखौ

    टाइम8, अक्टबर 27:

    बागसा जिल्लानि भारत-भुटान सिमनायाव मोनसे गिख्रंथाव जाथाइ जादों। थसे बिड़िनि थाखायनो बिबथैआ गोबौ हाथियारजों सुनानै बुथारदों बियादैखौ।

    खौरां मोननाय बादिब्ला, बागसा जिल्लानि निकासि पुलिस थानानि सिङाव थानाय 1 नं मधुपुराव बे गिख्रंथाव जाथाया जादों। रन्जित बार्ला मुंनि सेंग्राखौ बुथारदों लोरेन बिलुंआ। समबारखालि बे बुथारनाय जाथाया जायो।

    फोरमायनाय बादिब्ला, समबारखालि 1 नं मधुपुरनि रन्जित बार्लाया बिबथै लोरेन बिलुंनि न’नि चौहदावनो थानाय दखानाव बिड़ि बायनो थांनानै ‘आंनो बिड़ि थसे होलाय’ होननानै बुंनानै बिबथैखौ गोबाख्रबना लादोंमोन। जौ लोंनानै फेना थानाय लोरेनआ रागा जोंनानै आखायाव थानाय गोबौ हाथियारजों सुना होयो।

    जोखोम जानानै लोरेननि न’नि बारान्दायाव गोग्लैलाङो रन्जितआ आरो बांसिनै थै बोहैलांनायनि जाहोनाव जोबथा हां बोनांगौ जायो। मंगलबारखालि गावबुराया निकासि पुलिस थानायाव खौरां होनायाव आयेनगिरिजों लोगोसे पुलिसनि मोनसे हानजा जाथाइ जायगायाव सहैना नायबिजिरनायखौ जागायो।

    उनाव गोथै सह’खौ फरेनसिक आनजादनि थाखाय मुसलपुरनि ड: रबि बर’ देहाफाहामसालिआव दैथाय हरनाय जादों। मख’जाथावदि, बुथारनायनि उननिफ्रायनो लोरेन बिलुंआ खारखोमाना दं।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गावबुरानि गोसो थोनायाव बोदोर जानानै खारस’न फैदों सासे सिख्ला

    रुपहि कलेजनि फरायसुलिआ थांनाय 3 बोसोरनिफ्राय धिं जेङनिनि गावबुरा इक्रामुल हुसेइनजों मोजां मोनलायबोदोंमोन

    प्रमद बर’आ ट्रेक्टर कम्पानिनि एजेन्ट : चन्दन ब्रह्म

    बिटिसि बिसाइख'थिनि मुङाव रां लानानै ट्रेक्टरनि इडभारटाइजसो खालामबाय थादों

    बिसायख’थियाव मोन 30 नि बारा एडिसनेल फर्स बाहायगोन: बि जे महन्त

    जायफोरा बिसायख'थि समाव हिंसायारी जाथाइ सोमजि होगोन बिथांमोनखौ गोख्रों साजा होनाय जागोन आरो बिसायख'थियाव मोन 30 निबो गोबांसिन एडिसनेल फर्स बाहायगोन होन्नानै महन्तआ बुङो ।

    रुंसारि देंखोगिरि वाजिड खाननि बिसिखौ नारसिननानै धोरोमखौ सोलाय होदोंमोन

    हादोराव कर'ना जिउसानि साग्लोबसारनाय समावनो मुंदांखा देंखोगिरि वाजिड खानआ रुंसारि जादोंमोन

    बे बाराव कर’ना नङा न’र’ भाइरासआ साग्लोबदों माखासे खुदियाफोरनि देहायाव

    बुहुमआव बोसोरै खमैबो 685 सुबुंनि देहायाव न'र' भाइरासजों गाग्लोबजायो