फावखुंग्री आरो एम.पि. किरण खेरआ ब्लाड केन्चाराव गोग्लैदों
टाइम8, एप्रिल 01 : बलिउडनि फावखुंग्री आरो बि.जे.पि नि चन्डीगर नि एम.पि. किरण खेर बिथांजोआ ब्लाड केन्चारजों गाग्लोबजानाय खौरांआ सोरांआव फैदों।
चन्डीगरनि बि.जे.पि.नि मावथि किरण खेरनि लोगो अरुण सुडआ थांनाय बुधबाराव मोनसे खौरां मेलनि गेजेरजों मिथि होयो दि, किरणआ ब्लाड केन्चारजों गाग्लोबजानानै दङो होनना।
मिन्थि होनाय बादिब्ला बे समाव किरण खेरआ मुम्बाइनि देहाफाहामसालियाव फाहामथाय लागासिनो दङो।
मख’नो गोनांदि, थांनाय बोसोरनि 11 नबेम्बर खालाराव चन्डीगरनि न’आव आखाइयाव दुखु मोन्दोंमोन। बेनि उनाव चन्डीगरनि पष्ट ग्रेजुवेट इनष्टिटिउट अफ मेडिकेल एन्ड रिसार्सआव फाहामथाय होनायनि गेजेरजों ‘माल्टीपुल माइलोमा’ बेरामा नुजाथिदोंमोन।
बे बेरामखौ लानानै थांनाय 2020 मायथाइयनि 4 दिसेम्बराव मुम्बाइआव फाहामथाय होनो लाबोनाय जायो बेनिफ्राय बिथांनि फाहामथाया सालिबोगासिनो दं होनना मिथिनानै मोनदों।
आरो फरायबाव : बिसायख’थि समावनो आसामनि हायाव दुथांफोरा बिरहोदों पाकिस्ताननि फिरफिला…