टाइम8, नबेम्बर 30:
मुंदांखा कमेडियान भारती सिं आरो फिसायआ ड्रागसनि केसआव एनसिबिजों हमजादोंमोन। बेनि उनावनो सानैबो बिसि फिसाय सावरायलायनायनि आवथायाव फैदोंमोन। अदेबानि दा भारती सिं आरो बिनि फिसायआ जामिन मोनदों।
नाथाय खौरां मोननाय बादिब्ला भारती सिंखौ दा कपिल शर्मा स्व’निफ्राय दिहुननाय जागोन। राष्ट्रीय खौरां बिजोङाव खौरां मोननाय बादिब्ला भारती सिंखौ दा कपिल शर्मा स्व’निफ्राय दिहुननो थाखाय थांखि लानाय जादों। अदेबानि बेनि बागै स्व’निफ्राय जेबो फोरमायनाय जायाखै।
भारती सिंखौ स्व’निफ्राय दिहुननायनि सायाव पक्रुष्णा अभिषेकआ बुङो दि- बेयो मोनसे नंखाय राव। रावबो बेनि सायाव बिथांखि लानाय जायाखै होननानैबो फोरमायो।
लोगोसे बुंबावो दि- कपिल शर्माया अराय भारतीनि लोगोआव दं। आंबो खालामगोन। भारती खामानिआव फैनांगोनानो। उनाव मा जायो नायगोन। कपिल आरो आं भारतीनि लोगोआव दं आरो दासिम चेनेलआ जेबो बिथांखि लायाखै।