33 C
Guwahati
Thursday, September 23, 2021
  • जागायनाय
  • भिदिअ
  • टाइम कास्ट
More

    लाइमोन आरो जौनि गला

    लाइमोन आरो जौनि गला

    टाइम8बर’ देस्कनिफ्राय-

    दासान्दै आसामाव खना-खनला आयेन बेरेखायै जौनि गलाफोरा बांनो हमबोदों होननानै खायसे सुबुंफोरनि अजद खोनानो मोनसै। बे आयेन बेरेखा जौनि गलाफोरा जाखांफुनाय लाइमोनफोरनि थाखाय बोरना साव ? मानोना आसामनि मोनसे गाज्रि फलांगियानो जाबाय आयेन बेरेखायै फाननाय जौनि फालांगि। आयेन बेरेखायै जौनि फालांगिया आसामनि खना-खनला एरैबादि रोदा सुबायदि बेखौ थाब गैया खालामनाया गोरलै नङा। बे फालांगिखौ लानानै खायसे सुबुंफोरा जोबोर मुलाम्फा गोनां फालांगि होननानै साननाय नुनो मोनो। मानोना गोरलैयै रां खामायनो हानाय फालांगियानो जाबाय आयेन बेरेखायै फाननाय जौनि फालांगि। मिथिनाय बादिब्ला खायसे गलाफोराव सिरि-सिरि गुबुन मुवा-बेसादफोर फाननायजों लोगोसे आयेन बेरेखायै जौनि फालांगि खालामो। गोबां मोजां लाइमोनफोरा जौ लोंनानैनो जिउखौ फोजोबनानै लानायनि बिदिन्थिबो दं। समाजाव जाबाय थानाय खायसे गाज्रि खामानिफोरा बे जौ लोंनायनिफ्रायनो जादों होननानै सुबुंफोरखौ बुंनाय खोनानो मोनो। जौ लोंनानैनो हायै खामानिखौ हानाय जायो। जौ फेनायनि थाखाय लाइमोनफोरा मावनाङै खामानिखौबो मावनाय नुनो मोनो। खायसे लाइमोनफोरा बायजोयाव जौ लोंनानै फैना नखराव दुम-दाखाल खालाम फैनायनि थाखाय माखासे गोजोन नखरखौ बायनाय नुनो मोनो। गामिनि आबादारिफोरा जौ गरफा लोंनानै गोबां आबादनि खामानि मावनाय नुनो मोनो। नाथाय लाइमोनफोरा जौ लोंनानै नखरनि एबा समाजनि मा खामानि मावो ? मिथिनाय बादिब्ला बृटिसा भारत हादरखौ खुंनाय समाव आसामनि सुबुंफोरनो “कानि” जाहोनानै फेहोना दोनोमोन । बि कानि जायगायाव दा जौआ जायगा लाबाय नामा ? बाराद्राय जौ लोंनाया नखरखौ जोबस्रां होयो। जौ लोंब्ला गोजौ जायो। आरो बे जौनायनिफ्राय ओंखारनो रोङाबानो जोबस्रांनायनि लामायाव आगान होयो। अब्ला जौ लोंनाया मोजां जाखोना गाज्रि जाखो ? ओरैनो जौ लोंबाय थायोब्ला खामानि मावनाया थालाङो। बाराद्राय जौ लोंनायनि थाखाय खामानिफोराव गोसो जया जादों आसाम हादरसानि गोबां सुबुंफोरा । दासान्दै गोबां लाइमोनफोरा खामानि मावनो गारनानै जथाबनानै जौ लोंनो मोजां मोनग्रा जादों। खायसे लाइमोनफोरा जौ फेनानै मथर सायकेल सालायनायनि थाखाय अबथिरा जिउ खोमानो गोनां जादों। जौ हमग्रा बिफान आरो आसाम पुलिसा सम-सम बे आयेन बेरेखा जौ फाननायनि हेंथायै अपारेसन खालामोब्लाबो रांजों बायजानानै जौ फालांगिरिखौ जेबो खालामा होननानै अजद दं। गोबां जायगायाव जौ हमग्रा बिफान आरो आसाम पुलिसनि मोखाङावनो सोलिबाय थायो आयेन बेरेखा जौ फाननायनि फालांगि। दानफायाव मोनसे गिदिर थफ्लानि सोलाय सोलिनो होदों आयेन बेरेखा जौनि फालांगिखौ। दा सोलायनायनि स्ल’गान होग्रा बिजेपि दैदेननाय हादरसा सोरखारा बेनि सायाव माबा राहा लानाया गोनांथि जानानै फैदों। आयेन बेरेखा जौनि फालांगि खालामग्रा खायसे फालांगिरिफोरखौ हमनानै जेलाव हरोब्ला एसे खमायनो हागौखौ साननो हायो। बिदिनो आयेन बेरेखा जौनि फालांगि खालामनायखौ दानो होबथायाब्ला इयुनाव बेनो मोनसे गेदेर जेंना जाहैनाया बारा गिदिर बाथ्रा नङा । बे बेलायाव ओनसोलनि सुबुंफोरा सांग्रांथि जायाब्ला बे जौनि फालांगिखौ माब्लाबाबो फोजोबनो हायैया रोखा। गावनि ओनसोलखौ गावनो फोसाबनानै लानायनि सुबिदाखौ गावनो खालामनानै लायाबा रावबो गोजाननि सुबुंफोरा फोसाबनानै होफैया।

    टाइम8बर’आव बायदि फोसावनो लुबैयोब्ला बे जानबुङाव खौरां लानो हागोन । सुलाद लानायनि जानबुं: 8404085908

    आरो फरायबाव : बिटिआर गोरोबथानि दफानि बिथांखि बादियै तामुलपुरआव मेडिकेल कलेज गायसननायनि अन्थाय खुन्थिया गायसनगोन : मिरु नखर मन्थ्रि अमित साह

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गोसो थोलायनाया खाना! बागसायाव बे बाथ्रानि सैथो जाथाया जादों

    हिन्दु सिख्लाखौ मुसलमान सेंग्रानिफ्राय लाइफिननो थांनानै सिख्लानि राव खोन्नानै गिदिंना फैफिननो गोनां जायो पुलिसा ।

    जोंनि गेजेराव जों जोंनि फिसाफोरखौ थै’ बावनांनायखौ लुबैया: रन्जित बसुमतारी।

    जोंनि गेजेराव जों जोंनि फिसाफोरखौ थै' बावनांनायखौ जों लुबैया बे बाथ्राया रोखा।

    बड’लेण्ड आयेन फरायसा गौथुमआ जोंसार आरो जनक कुमार ब्रह्मखौ गोसो खांनानै आलारि बाथि फोजोंदों

    पुलिसनि गुलिजों नंखाय दायाव जिउ खोमानांनाय कक्राझार जिल्लानि सेरफांगुरि पुलिस थानानि सिङाव थानाय सेलेखा सालगुरि गामिनि थागिबि।

    हाग्रामा महिलारि, सानसुमा खुंगुर बैसोमुथियारी, जनकलाल बसुमतारि आरो दावराव देख्रेबनि हेथायै सनितपुर जिला एबसुनि खेंफोरथि

    खौरांगिरि मेलाव सनितपुर जिला दुलाराय बर' फरायसा आफादनि आफादगिरि राजेस बुसुमतारिया बुंथियोदि, 2020 मायथाइनि 27 जानुवारि खालाराव बि.टि.आर. गोरोबथा जालांनायनि जायफोरा गोजोननाय गैयै एबा गोरोबथानि सायाव जायफोर मेलेमजेबि सुबुंफोरा केस होनो नायगिरदों बिसोरनि सायाव खेंफोरथि होदों ।

    बिटिआराव बड’लेण्ड पिग मिसननि‌ गेजेरजों रांखान्थि बिथिंआव जौगाहोनायनि बिथांखि! नाग्रिजुलियाव सांग्रांथियारि मावबादा

    बे सांग्रांथि मेलाव बिटिआरनि इएम राकेस ब्रह्म‌‌‌जों लोगोसे SDVO ड० रुपम बर', बड'लेण्ड पिग मिसननि दिथागिरि मनज कुमार बसुमतारी आरो नाग्रिजुलि भेतेनारिनि ड: प्रितुसिं थापाजों लोगोसे गोबां बिफानारि मावखगिरि बिथांमोना बाहागो लादोंमोन।

    मथर सिखाव गेंनि हेंथायै बागसानि बरमा पुलिसा गोख्रों अपारेसन! सानै सिखावखौ हमदों

    बरमानि बिखाजों थांनाय 31नं हारिमायारि  राजा लामानिफ्राय पुलिसा हमनो हादों सानै मथर सिखाव।

    डिब्रुगरनि स्टेत बेंकआव मुगैथाव खामानि मावग्राखौ हमबाय

    बुधबारनि मोनाबिलि समाव पुलिसनि मोनसे हानजाया आसाम हादरारि हान्था-मेला बिफाननि बास लाखिग्रा थावनियाव हमनो हायो ।