30 C
Guwahati
Sunday, July 25, 2021
  • जागायनाय
  • भिदिअ
  • टाइम कास्ट
More

    खामानि हारिमु गैयाबा हारिया थांनानै थाया

    खामानि हारिमु गैयाबा हारिया थांनानै थाया

    टाइम8बर’ देस्कनिफ्राय-

    आबादारिफोरा आसार दानाव माय दुब्लियाव आबाद मावनो उसिफावनाय रंजानाय मोनो। बि दानाव साफ्रोमबो आबादारिफोरा माय दुब्लियाव मुखुब जायो। बि दानाव बिखुं खामनो नागिरनाय सान्दुंनि दुंनाय जायो । थेवबो बिसोरनि बिखुङाव सान्दुङा नाङा । आबादारिफोरा बेरे फुंजा सिखारनानै फाफ्लियाव नांगोल, आखायाव खदालखौ लानानै मोसौ हालिखौ लानानै माय दुब्लियाव थाङो । नाथाय आथिखालाव दा बेफोरखौ जों नुनो मोनला। मानोना थाबनो हाखौ एवनो थाखाय ट्रेक्टर बाहायनाय नुसै। जियानो जाया मानो बे दानाव फुं आरो बेलासे समाव माय दुब्लियाव थांनो मोननायानो आलादा मोनसे खहाबनाय। नखरनि गुबुन सोद्रोमाफोराबो हानाय मानि माय दुब्लियाव थांनानै बायदि हेफाजाबजों लोगोसे खदालजों आलि खोनानै दै लाखिनाय राहा खालामो। आबादारिफोरा माय दुब्लियाव हाखौ फोमोननाय सिगाङाव खोथिया फोनानै लाखायो। मोनसे फोथायनाय दंदि आमथिसुवा खालिनिफ्राय सानब्रै हाल एवनाय-खदालजों हा जावनाय खामानिफोरखौ दोनथ’यो। बि समफोराव बिमा बैसोमुथिया मोदोम गोरलै जानानै लोमजानानै थायोनो! बै समफोराव हानि खामानि मावनो मोना होननानै फैथायो। माय दुब्लियाव खामानि मावहैनाय सुबुंफोरनो जानाय-लोंनाय हैनानै दै-हाब्रु गानानै उन्दै गथ’फोराबो रंजा हैनाया बेसे गोदै! हालेव खांनायनि उनाव दुब्लियाव मै होनानै मायखौ गायनो हानाय खालामो। उन्दै बैसोनि गथ’साफोरा मैनि उन-उन थांनानै खांख्राय-ना हमनाय नुथाया बेसे रंजाथाव आरो खहाबथाव। मै होनाय समाव हाब्रु सिंनिफ्राय सायाव खांख्राय-नाफोरा ओंखारो। बिदिनो सानजौफुनि बोथेसेखौ गोथावै जानो जगायो । खांख्राय-ना बोथिसेसो मोननायनि उनाव थास’ बिबार नङाबा माबाफोर हाग्रानि मैगंबो खानानै लांफानाया बर’ सुबुंफोरनि आखु। बेरा फारसे खोथिया फुनाया इसे गोब्राबानो। मानोना गंनानै खोथिया फुनांगौ जानायखाय सिं सायो, आखाय रुयायो आरो सायो । थेवबो खोथियाखौ फुवाबा जाथारा। मानोना हा गोमोनाव मायखौ गायथार नांगौ । खोथिया फुग्राफोरा खोथियाखौ फुखांनानै लारि-लारि आखा खानानै दोनो। बेसे समायना आबादारिनि आरिमुया। हाया फोमोन जाखांनायनि उनाव खोथियाफोरखौ दुब्लियाव लारि-लारि गायनो राननानै दोनहैयो। दुब्लियाव मायखौ गायनो थागथियारि जानायनि उनावनो माय गायनो रुवाथिफोर नागिरनायाव मुखुब जायो आबादारिफोरा। सम गैया रावजोंबो मेल फाखायनो, बेसे मुखुब आबादारिफोरा गायनाय-फुनाय बोथोराव। बिदिनो सोरबा सावरि बादियै माय गायग्रा रुवाथिफोरखौ दुब्लियाव ओंखार होयो आरो खायसेबा रांनि हाजिरा होनानै माय गायग्रा रुवाथिफोरखौ दुब्लियाव ओंखार होयो। बै माय गायग्रा रुवाथिफोरनो नखरा जा जगायनो हायो बेखौनो जानो-लोंनो हैयो दुब्लियाव। जोंनि बर’ सुबुंफोरा जौजों लोगोसे जोगोनारजों अमा बेदर संनानै दुब्लियाव माय गायग्रा रुवाथिफोरनो जगायनायबो नुयो। बिदि राहाया गासै गामि एबा नखराव जायो बे नङा। गामि आरो नखर लानानै आलादा-आलादा रोखोमनि जायो। बिदिनो गोदोनि समाव सावरि जालायोमोन माय गायनाय समफोराव । नाथाय आथिखालाव बर’ गामिफोराव खमाय बोनो हमदोंसै। बुंनांगोनदि सावरि जालायोब्ला थाखा-फैसानि बाथ्रा फैया। नखरा जा हायो बिदिनो जानाय-लोंनाय जगाय लायो। बे थिगदि गामिफोराव आबादारिफोरा बि बिखौ हेफाजाब होलायलायनानै अनलाय लायो। बिसोरनि अनलायनायाव मैला गैया। दुब्लियाव गावजों गाव एदावलायनानै, जंखाय लायनानै रंजा खुसिजों आबाद मावनाया बेसे गोथाव आरो रंजाथाव। नाथाय बिदि थासारिखौ आथिखालाव बर’ गामिफोराव बारा नुवा जालांबाय। दा गावबा-गावसो जालांगासिनो दं। दा गोबां आबादारिफोरा आसार दानावनो माय गायजोबो। नाथाय खायसे आबादारिखौ गोथौ हायाव सावननि गिबि हाफ्थासिम माय गायनाय नुनो मोनो ।मानोना आसार दानाव गोबां दै थानायलाय बि दानाव मायखौ गायनो हाया जायो । आरो सावन दानाव गासै माय दुब्लिया सोमखोर गोथां महर लायो । नायब्ला नायबाय थानो लुबैयो बे मिथिंगानि महरखौ ! आसार दानाव अखानि दैजों दंग’-हाखरफोरा उसिफावो। बिदि समाव ना फुवानफोरा दावनो हमो। दा लासै-लासै आसार दाननि माय दुब्लि आरो सावननि मुखुब गामिफोरा गोमानो हमहांदों। माय दुब्लिनि दै-हाब्रु गानाय थासारिफोरा सोलायदोंब्लाबो जों गावनि आजौ-आजामोना फोरोंलांनाय हारिमुखौ माबोरै बावगारलांनो ! आथिखालाव सोलायदोंब्लाबो खामानि हारिमु खौ फो थांनानै लाखियाब्ला हारिया गोमालांनो बारा सम नांनाय नङा। बिनिखायनो लेखा-फरा सोलोंनायजों लोगोसे खामानि हारिमु खौ हारियाव लाखिनो साफ्रोम लेखा गोरों सुबुंफोरा आवगाय बोनायनि सम जाबाय।

    आरो फरायबाव : आसाम रायजो बेंगिरिया एसआइ पेपार लिग, जाथायनि दायाव करिमगान्जनि एसपिखौ सासपेन्द खालामदों

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    इन्जुर बारनानै खारो हौवा गोदान-हिन्जाव गोदान, उन उन होसोलाङो पुलिस

    जाथायखौ फोरमायनायबादिब्ला, हाबाथिलिआव गनायथि होनायनिखुरै 10 जौखोन्दो बांसिन सुबुंफोर दंमोन।

    बागसायाव हा जावना न’आव हाबनानै गोदोना हासना फोथैनो नाजादों

    खोमसिनि खाबु लाना गोदोना हास'नानै फोथैनो गोख्रों नाजादोंमोन बिस्लाल हुसैन मुंनि सासे सुबुंखौ।

    बागसाआव लांखारनाय जाथाय! सा 2 उन्दै गथसाफोरजों लोगोसे सा 7 सिख्लाफोर आरो सा 15 सुबुंखौ रैखा खालामदों

    बागसा पुलिसआ सा नै लांखारग्राखौ हमनो हानायजों लोगोसे सा नै उन्दै गथसा, सा स्नि सिख्लाफोर आरो सा जिबा हौवासाफोरखौ रैखा खालामदों।

    राय्जोआव दिनै गोदान SOP फोसावना होदों, गं 5 जिल्लाफोरा आबुं लकडाउन

    केशब महन्तआ गं 5 जिल्लाफोरखौ सफ्ता मोनसेनि थाखाय आबुं लकडाउन फोसावदों।

    आबाद बिफाननि अफिचारफोरा आबाद फोथाराव थांथारनांगोन : घनस्याम दास

    बे हाबाफारियावनो गसाइगाव केभिकेनि चीफ मनरन्जन दासजों लोगोसे कक्राझार, बागसा, चिरां आरो उदालगुरी जिल्लानि डिअ, एडिअ इन्जिनियार आरो बिगियानगिरिफोरजों लोगोसे बिटिसिनि आबाद बिफाननि मावफुं सोद्रोमा घनशियाम दासआ बाहागो लायो ।

    एनएलएफबि नि चीफ एम बाथाखौ नागिरनाया सोलिगासिनो दं : सुरजित सिं पानेस्वर

    समबाराव कक्राझार प्लेनेटरियामआव पुलिस बिफाननि बान्जायनायाव बर' लाइमोन फोरखौ पुलिस आरो रौनिया लोगोसे पेरा मिलिटारिआव थिसन्नाय आगु फोरोंथाय मावबादा बेखेवनाय हाबाफारियाव बाहागो लानानै कक्राझार जिल्लानि उफ्रा पुलिस बिबानगिरि सुरजित सिं पानेस्वरा बुंथियोदि गोदानै जोनोम जानाय हाथियार लानानै सोमावसारग्रा हान्जा एनएलएफबिनि दैदेनगिरि एम बाथाखौ गोख्रों नायबिजिरगासिनो दं होन्ना बुंथियो।

    कक्राझारआव सासे बर’आइजोआ आखायनि हाबा मावना गोग्गानाय लाबोदों

    आयजोफोराबो सोलोंथाइजों लोगोसे गेलेमु आरो गुबुन गुबुन हाबा हुखायाव हौवा माहारिजों समान जायगा आवग्रिनो हादों।