29 C
Guwahati
Sunday, June 13, 2021
  • जागायनाय
  • भिदिअ
  • टाइम कास्ट
More

    बिटिसिनि लेङाइ गाहाइ मावफुंगिरि सोद्रोमाया सोर जागोन?

    बिटिसिनि लेङाइ गाहाइ मावफुंगिरि सोद्रोमाया सोर जागोन?

    टाइम8 बर’ देस्कनिफ्राय-

    बिटिसिनि लेङाइ गाहाइ मावफुंगिरि सोद्रोमाया सोर जागोन, बेखौ लानानै सानफ्रोमबो बिटिआरनि थागिबिफोरनि गेजेराव बुदुं-बादां सावरायज्लायनाय जागायजेननाय नुनो मोन्दों । सोर मोनगोन बि बिबानखौ ? मोनसे गिदिर सोंलु ? मिथिनाय बादिब्ला बिटिसिनि लेङाइ गाहाइ मावफुंगिरि सोद्रोमा थामहिनबा बिटिसिनि 38 नं भैरबकुण्ड बियाबनि एमसिएलए गबिन्द चन्द्र बसुमतारीआ थांनाय बिधान सभानि बिसायख’थियाव अदालगुरि बिधान सभा बियाबनिफ्राय एमएलए महरै देरहा बोनायाव बिनि मासिया लांदां जानो थांगासिनो दं। नाथाय दासिमबो गबिन्द चन्द्र बसुमतारीआ बिटिसिनि लोगो गाहाइ मावफुंगिरि सोद्रोमानि बिबान थामहिनबा बिटिसिनि 38 नं भैरबकुण्ड बियाबनिफ्राय एमसिएलए बिबानखौ एंगारथ’याखै। थेवबो बि बिबानखौ लानो बारग’ एनडिएफबि(पि)फोरनिफ्राय बिटिसिनि 36 नं हरिसिङा बियाबनि एमसिएलए सन्जय स्वर्गियारीनो होनो दाबि खालामनाय नुदों। आरो बेरा फारसे बारग’ एनडिएफबि(एस) फोरनिफ्राय बिटिसिनि 14 नं सिरां दुवार बियाबनि एमसिएलए थामहिनबा बिटिसिनि हाग्रा बिफाननि मावफुंगिरि सोद्रोमा रन्जित बसुमतारीनो होनो दाबि खालामगोननि बुदुं-बादां सावरायज्लायनाय नुनो मोन्दों । खौरां मोननाय बादिब्ला रन्जित बसुमतारीखौ बिटिसिनि लेङाइ गाहाइ मावफुंगिरि सोद्रोमा महरै माखासे बारग’ एनडिएफबि( पि) निफ्राय लुबैया । मिथिनाय बादिब्ला इउपिपिएल दोलोनिनो बिटिसिनि 36 नं हरिसिङा बियाबनि एमसिएलए सन्जय स्वर्गियारीया साननैसो सिगां इउपिपिएल दोलोनि आफादगिरि प्रमद बर’आ बेआयेनै बिटिसि खुंथायखौ लादों होननानै हेंथा खालामनानै गुवाहाटी गोजौ बिजिरसालियाव मोनसे पिटिसन होनानै दोन्दों। बे बेलायाव सन्जय स्वर्गियारीया बिटिसिनि लेङाइ गाहाइ मावफुंगिरि सोद्रोमा बिबान मोनगोन ना मोना ? बेयो इउपिपिएल दोलोनि इसिङारि बाथ्रा जानानै थाबाय। बेरा फारसे बिटिसिनि 14 नं सिरां दुवारनि एमसिएलए थामहिनबा बिटिसिनि हाग्रा बिफाननि मावफुंगिरि सोद्रोमा रन्जित बसुमतारीखौ इउपिपिएल दोलोनि आफादगिरि थामहिनबा बिटिसिनि गाहाइ मावफुंगिरि सोद्रोमा प्रमद बर’आ जोबोर मोजां मोनो । बे बेलायाव रन्जित बसुमतारीआ बिटिसिनि लेङाइ गाहाइ मावफुंगिरि सोद्रोमानि मासिखौ आवग्रिनाया बारा गिदिर नङा। नाथाय माखासे बारग’ एनडिएफबि(पि)फोरनि हेंथायाव रन्जित बसुमतारीआ बिटिसिनि लेङाइ गाहाइ मावफुंगिरि सोद्रोमानि मासिखौ आवग्रिनो हागोन ना ? बेखौ बारग’ एनडिएफबिफोरनि गेजेराव सावरायज्लायनानै सुफुं जागोन बादि नुहुरो । ओजों नाथाय बिटिसिनि लेङाइ गाहाइ मावफुंगिरि सोद्रोमानि बिबानखौ बिजेपि दोलोआ आवग्रिनो हागौ ! खौरां मोननाय बादिब्ला बिटिसिनि लेङाइ गाहाइ मावफुंगिरि सोद्रोमानि थाखाय बिजेपिया बिटिसिनि मावफुंगिरि सोद्रोमा थामहिनबा बिटिसिनि 20 नं मथनगुरि बियाबनि एमसिएलए गौतम दास आरो बिटिसिनि मावफुंगिरि सोद्रोमा थामहिनबा बिटिसिनि 4 नं जमदुवार बियाबनि एमसिएलए रेवरेवा नारजिहारी सानैनि सासेनो बिटिसिनि लेङाइ गाहाइ मावफुंगिरि सोद्रोमानि मासिखौ मोनगोन होननानै सावरायज्लायनाय नुनो मोनो। ओजों बिटिसिनि लेङाइ गाहाइ मावफुंगिरि सोद्रोमा थामहिनबा बिटिसिनि 14 नं भैरबकुण्ड बियाबनि एमसिएलएनि बिबानखौ गबिन्द चन्द्र बसुमतारीआ एंगारनायनि उनाव लांदां जानाय बियाबाव इउपिपिएल दोलोनि गुबुन सासे लेङाइ आफादगिरि भ्रमन बागलारीया दाबि खालामगोनखौ नुहुरो । जुदि बिथाङा बि बियाबनिफ्राय इउपिपिएल दोलोनि टिकेट मोननानै देरहा लाङोब्ला बारग’ एनडिएफबि आरो इउपिपिएल दोलोनि माखासे सुबुंफोरजों गेजेर सुबुं हिसाबै गनाय जानायखाय भ्रमन बागलारीयाबो बिटिसिनि लेङाइ गाहाइ मावफुंगिरि सोद्रोमानि बिबानखौ मोननाया बारा गिदिर बाथ्रा नङा। मानोना भ्रमन बागलारीया एनडिएफबिनि गोलाव सम सोमावसारनायाव जोबोरैनो सैनांबोनाय सासे बर’ दैदेनगिरि। बिथाङा पिसिडियार हानजा जोनोम होनायनिफ्राय इउपिपिएल दोलो जोनोम जानायसिम गोबां बिहोमा थानायलाय बिथांखौ बिटिसिनि लेङाइ गाहाइ मावफुंगिरि सोद्रोमानि बिबानखौ होनो हागौबादि नुहुरो। थिग बिदिनो इउपिपिएल दोलोनि आफादगिरि थामहिनबा बिटिसिनि गाहाइ मावफुंगिरि सोद्रोमा प्रमद बर’आ बिटिसिनि 22 नं ककलाबारी बियाब आरो बिटिसिनि 28 नं गयबारी बियाब मोननैनिफ्राय देरहा बोनायलाय मोनसे बियाबखौ नागारनांगोन। बे नागारगोन बियाब ककलाबारी बियाबाव इउपिपिएल दोलोनिफ्राय दासान्दै ककलाबारी बियाबनि प्रमद बर’नि थान्दै मन्टु बर’, बारग’ एमसिएलए अनिब बसुमतारी, इउपिपिएल दोलोनि सासे नेहाथारी फैला जे बरगयारी आरो बिजु बरकसारीमोनहा दाबिदार होननानै खौरां मोन्दों। बे बेलायाव मन्टु बर’आ ककलाबारी बियाबनि इउपिपिएल दोलोनि बिजाथि महरै मोनगोननि आसाखौ बारा नुहुरो। फैगौ आगष्ट-सेप्टेम्बर दानाव खुंजानो गोनां बिटिसिनि उफ्रा बिसायख’थियाव बिटिसिनि 22 नं ककलाबारी आरो 28 नं भैरबकुण्ड बियाबाव इउपिपिएल दोलोनिफ्राय सोरनो टिकेट होगोन, बेखौ समासो खिन्थासिगोन आरो फैबाय थानाय समाव बिटिसिनि लेङाइ गाहाइ मावफुंगिरि सोद्रोमा सोर मोनगोन बेखौ नेनानै थानोसै।

    आरो फरायबाव : जिल्ला बेंगिरिफोरा काउन्सिलनि जौसिन जानो हाया

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं