33 C
Guwahati
Thursday, September 23, 2021
  • जागायनाय
  • भिदिअ
  • टाइम कास्ट
More

    सोरखारि नङै बासफोरा माब्ला खारफिनगोन ?

    सोरखारि नङै बासफोरा माब्ला खारफिनगोन ?

    टाइम8बर’ देस्कनिफ्राय-

    हादरसायाव कर’ना जिउसानि सनदेरनाया गिख्रंथाव महर लानायनि उनाव हादरसानि सोरखारि नङै बास खारनाया बन्द जानानै दं। माब्लानिफ्राय फिन खारफिनगोन, बिनि जेबो थिरांथा सम गैया। बिनि थाखाय सोरखारि नङै बासनि बिगुमा आरो मावग्राफोरखौ सोरबा खौरां लादोंना ? बिसोरनि नखरा दा सान्दै बे लकडाउन समाव माबोरै सोलिनानै दं ? बे कर’नानि थाखाय थांनाय दान मोननैयाव मोनसे जिल्लानिफ्राय गुबुन मोनसे जिल्लासिम बास खारनाया बन्द जानानै दं। बि बासफोर खारनो हायैयाव गोबां जेंनाजों मोगा-मोगि जानांदों बासनि बिगुमा आरो मावग्राफोरा। फोरमाय नांगोनदि कर’ना जिउसाया गोबां सनदेरनायनि थाखाय थांनाय 20 मे’निफ्राय हादरसा सोरखारा मोनसे जिल्लानिफ्राय गुबुन मोनसे जिल्लासिम थांनाय हान्था-मेलानि राहाखौ बन्द खालामदों। गिबि समाव 15 साननि थाखाय बेखौ खालामदोंमोनब्लाबो उनाव कर’ना जिउसानि सनदेरनाया खमायैनि थाखाय दिनैसिम मोनसे जिल्लानिफ्राय गुबुन मोनसे जिल्लासिम थांनाय हान्था-मेलानि राहाखौ खेवनानै होयाखै। बिनि सोमोन्दै हादरसानि सावस्रि मन्थ्रि केशब महन्तआ मोनसे खौरांगिरि मेलनि जोहै बुंदोंदि थासारिया फिन जाहाथे गाज्रि जाफिना बिनि थाखाय मोनसे जिल्लानिफ्राय गुबुन मोनसे जिल्लासिम थांनाय हान्था-मेलानि राहाखौ बन्द खालामनानै दोन्दों। दा कर’ना जिउसानि सनदेरनाया खमायोब्ला अब्ला हाफ्थासेसोनि उनाव हान्था-मेलानि राहानि सायाव राहा लानो हागौ होननानै मन्थ्रिआ फोरमायदों। नाथाय थांनाय दान मोननैयानो मोनसे जिल्लानिफ्राय गुबुन मोनसे जिल्लासिम थांनाय हान्था-मेलानि राहाया बन्द जानानै थानायनि थाखाय जिंगासिनांदों सोरखारि नङै बासनि बिगुमा आरो मावग्राफोरा। बासफोरा सालाय जायाबालानो लाखिबाय थानायनि थाखाय बासफोरा गाज्रि जाहांबाय होननानै माखासे बास बिगुमाफोरा बुंनो हमनायखौ खोनानो मोनसै। बास सालायनो हायैनि खहाखौ गारथ’दो, लामानि टेक्स, गारिनि लन सुख’नाय, इन्सुरेन्स बायदिखौ माबोरै होगोन बेखौ लानानैबो साननो गोनां जादों गोबां बास बिगुमाफोरा। मिथिनाय बादिब्ला थांनाय बोसोरावबो कर’ना जिउसानि सनदेरनायनि थाखाय लकडाउनावनो थांबाय। थांनाय अक्टबर दाननिफ्राय बासफोरा सालायनो लादोंमोनल’, बे समावनो मे’दाननिफ्राय फिन बन्द जाफिनबाय। मिथिनाय बादिब्ला दानफायाव खमैब्लाबो ब्रै रोजा रां लामानि टेक्स होनांगौ। बेंकनि लन सुख’नाय रां दंबावो, बेफोर रांखौ बास खारहोयाब्ला माबोरै बुथुमनो होननानै खायसे बास बिगुमाफोरखौ जिंगासिनाय नुनो मोनो। बे समाव एसे कर’ना जिउसानि सनदेरनाया खमायबाय, बिनिखायनो बाराद्राय सनदेरनाय जिल्लाफोरखौ गारनानै माखासे जिल्लाफोराव बास खारहोनो हायो नामा, बिनि सायाव साननो सोरखारनियाव खावलायदों बासनि बिगुमाफोरा। अल इण्डिया र’ड ट्रेन्सपर्ट अवार्कार फेदारेसना अजद होदोंदि सोरखारा मोनसे जिल्लानिफ्राय गुबुन मोनसे जिल्लासिम थांनाय हान्था-मेलानि राहाखौ बन्द खालामनायनि सायाव खुगा मोननैनि खोथा होदों। सोरखारा गावनो नेमखान्थिफोर सुजुदों आरो गावनो सिफायदों। मानोना कर’ना जिउसानि सनदेरनाया बांगोन होननानै मोनसे जिल्लानिफ्राय गुबुन मोनसे जिल्लासिम थांनाय हान्था-मेलानि राहाखौ बन्द खालामनानै होदों आरो गुबुन फारसे रेल गारिजों सानफ्रोमबो रोजा-रोजा सुबुंफोरा थांलाय-फैलाय खालामबाय दं। सोरखारा मानसि रोगाग्रा रेल गारि खार होदों बे मोजां बाथ्रा। बिदिनो गोबां जिल्लायाव बास सालाय होनाय राहा खालामनो हायो। दा बास सालायथारैनि गोबां बासनि बिगुमा-मावग्राफोरा जेंनायाव गोग्लैदों होननानै मिथिनाय जादों। बिनिखायनो बे दुखुथिया समाव सोरखारा माबा राहा लाजायो नामा, बिखौ सानोब्ला गाहाम जायो। बासफोरखौ लामायाव खारहोनो हायाखै जेब्ला लामानि टेक्सखौबो गारथ’नो हायो नामा, बिनि सायाव सोरखारा सानजायो। दान मोननै बास खारहोनो हायैखाय गोबां बासनि बिगुमाफोरखौ रांखावरियाव लोरबां जानाय खौरां मोन्दों। मिथिनाय बादिब्ला गोबां बासनि बिगुमाफोरा बेंकनि लनखौ होनो हायाखै। मिथिनाय बादिब्ला आसामाव 20 रोजासो बास दं। बिजों लोबबा थानाय सुबुंफोरखौ सोरखारा एसे हेफाजाब होयोब्ला सुबुं अनफाउरि आखु दिन्थिनाय जागोन होननानै साननो हायो। बे दुखुथिया थासारिखौ सोरखारा मा राहा लायो बेखौ नेनानै थाथ’नायनि अनगायै गुबुन राहा गैया।

    आरो फरायबाव : बागसानि आबाद फोथाराव आबादारि महराव नुनो मोनबाय बिटिसिनि आबाद बिफाननि मावफुं सोद्रोमा घनश्याम दासखौ

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गोसो थोलायनाया खाना! बागसायाव बे बाथ्रानि सैथो जाथाया जादों

    हिन्दु सिख्लाखौ मुसलमान सेंग्रानिफ्राय लाइफिननो थांनानै सिख्लानि राव खोन्नानै गिदिंना फैफिननो गोनां जायो पुलिसा ।

    बड’लेण्ड आयेन फरायसा गौथुमआ जोंसार आरो जनक कुमार ब्रह्मखौ गोसो खांनानै आलारि बाथि फोजोंदों

    पुलिसनि गुलिजों नंखाय दायाव जिउ खोमानांनाय कक्राझार जिल्लानि सेरफांगुरि पुलिस थानानि सिङाव थानाय सेलेखा सालगुरि गामिनि थागिबि।

    जोंनि गेजेराव जों जोंनि फिसाफोरखौ थै’ बावनांनायखौ लुबैया: रन्जित बसुमतारी।

    जोंनि गेजेराव जों जोंनि फिसाफोरखौ थै' बावनांनायखौ जों लुबैया बे बाथ्राया रोखा।

    हाग्रामा महिलारि, सानसुमा खुंगुर बैसोमुथियारी, जनकलाल बसुमतारि आरो दावराव देख्रेबनि हेथायै सनितपुर जिला एबसुनि खेंफोरथि

    खौरांगिरि मेलाव सनितपुर जिला दुलाराय बर' फरायसा आफादनि आफादगिरि राजेस बुसुमतारिया बुंथियोदि, 2020 मायथाइनि 27 जानुवारि खालाराव बि.टि.आर. गोरोबथा जालांनायनि जायफोरा गोजोननाय गैयै एबा गोरोबथानि सायाव जायफोर मेलेमजेबि सुबुंफोरा केस होनो नायगिरदों बिसोरनि सायाव खेंफोरथि होदों ।

    बिटिआराव बड’लेण्ड पिग मिसननि‌ गेजेरजों रांखान्थि बिथिंआव जौगाहोनायनि बिथांखि! नाग्रिजुलियाव सांग्रांथियारि मावबादा

    बे सांग्रांथि मेलाव बिटिआरनि इएम राकेस ब्रह्म‌‌‌जों लोगोसे SDVO ड० रुपम बर', बड'लेण्ड पिग मिसननि दिथागिरि मनज कुमार बसुमतारी आरो नाग्रिजुलि भेतेनारिनि ड: प्रितुसिं थापाजों लोगोसे गोबां बिफानारि मावखगिरि बिथांमोना बाहागो लादोंमोन।

    मथर सिखाव गेंनि हेंथायै बागसानि बरमा पुलिसा गोख्रों अपारेसन! सानै सिखावखौ हमदों

    बरमानि बिखाजों थांनाय 31नं हारिमायारि  राजा लामानिफ्राय पुलिसा हमनो हादों सानै मथर सिखाव।

    डिब्रुगरनि स्टेत बेंकआव मुगैथाव खामानि मावग्राखौ हमबाय

    बुधबारनि मोनाबिलि समाव पुलिसनि मोनसे हानजाया आसाम हादरारि हान्था-मेला बिफाननि बास लाखिग्रा थावनियाव हमनो हायो ।