26 C
Guwahati
Wednesday, April 14, 2021
  • जागायनाय
  • भिदिअ
  • टाइम कास्ट
More

    रायजोनि बेकार लाइमोनफोरखौ खामानि होनो आलादा बिथांखिनि गोनांथि

    रायजोनि बेकार लाइमोनफोरखौ खामानि होनो आलादा बिथांखिनि गोनांथि

    टाइम8 बर’ देस्कनिफ्राय –

    कर’ना जिउसानि थाखाय बुहुमनि हादरफोरजों लोगोसे जोंनि भारत हादरावबो रांखान्थिनि हालोदा गिलु-बालु महर लानो हमनायखौ नुनो मोनहांदों। थांनाय 2016 मायथायाव रांखावरि सोलायनायनि उननिफ्रायनो भारत हादराव रांखान्थि बिथिङाव लोरबां जादोंमोन। बिनि उनाव गिलु-बालु कर’ना जिउसानि सनदेरनायनि जाहोनाव आरो लोरबांसिन जासिननायखौ नुनो मोन्दों। बेकारनि जौखोन्दोआ 8 जौखोन्दोनिफ्राय 27.1 जौखोन्दोसिम बांनाय नुनो मोन्दों। हादरनि 12.2 कौटि सुबुंफोरा खामानि गोमा जानांदों होननानै मिथिनाय जादों। सेप्टेम्बर दाननिफ्राय डिसेम्बर दानसिम दानब्रैनि गेजेरावनो 90 लाख भारतनि सुबुंफोरा खामानि खोमानो गोनां जादों। थांनाय बोसोराव कर’ना जिउसानि थाखाय 41 लाख लाइमोनफोरा साखरि खोमानो गोनां जादों।

    रांखावरि सोलायनायनि उननिफ्राय हादरनि रांखान्थिया गाहायथिं थांनाया जोबोर साननांगौ आयदा। बे खैफोदनिफ्राय बारग’नो हायाखैमोन आरो बे समावनो कर’ना जिउसानि सनदेरनाय थासारिया सफैदों । बेसे साननांगौ बाथ्रा ! कौटि-कौटि भारतारिफोरा खामानि गोयै बेकार जानांदों, बे बेलायाव बुंस’ हाया। बे गिख्रंथाव बेकार जेंनानि सुफुंनाय आरो रैखा मोनगोन माब्ला ? बिनि फिननाया सोरनि आखायाव दं ? सोरखारा उद्यग गोनांफोरखौ रेहाय होनायनि थाखाय लाख-कौटि रांफोरा थालांदों। नाथाय हादरनि खामानि गोमाजानाय कौटि-कौटि सुबुंफोरा थालांनाय रांफोरखौ मोननायनि अनजिमाया बाङाइ बिबांनि ? कर’नानि थासारिया एसे मोजाङाव फैनायाव नआव गिदिंनानै फैनायफोरा फिन खामानियाव गिदिंलांफिनदोंमोन।

    नाथाय दा कर’नानि नैथि सनदेरफिननायाव बिसोर फिन नआव फैफिननायनि थाखाय थाख-थियारि जानाय खौरां मोन्दों। सोरखारा बिदि थासारिखौ माबोरै सामलायगोन बिनि सायाव सानगासिनो थानायनि खौरां मोन्दों। दा बिदि थासारि जानायनि उनाव हादरनि बेकार जेंनाया गोबां गिलु बालु महर लाहैनो हागौ नामा, बेनि सायाव साननो गोनां जादों। नाथाय हादरनि गाहाइ मन्थ्रि नरेन्द्र मदिया आसामनि बिधान सभा बिसायख’थिनि थाखाय आसामाव फैनानै आसामनि लाख-लाख बेकारफोरखौ साखरि एबा खामानि होनायनि खोथा होनाय नुदोंमोन। बिदिनो 2014 मायथायनि लक सभा बिसायख’थिनि समाव बोसोराव नै कौटि बेकारफोरखौ साखरि होनायनि खोथा होनायनि उनाव मिरु सोरखारा खोथा होनायखौ सुफुंनायाव जाफुंसार जानायखौ नुनो मोनाखै होननानै सावरायनाय खोनादों।

    बिसायख’थिनि मेल-मिथिंफोराव बेसेबां बेनिफिसारिफोरनो मा-मा होनाय जाखो, बे आयदानि सायाव खायसे दैदेनगिरिफोरखौ बुंबाय थानाय नुनो मोननाय जादों। बेकारफोरनो फिन खामानि होनायनि सायाव नांगौबादि बिथांखि लानाय नुनो मोननाय जायाखै लोगोसे इसिङारि दाथाय गोयैखौ नुनो मोननाय जादों। मिरुयाव स्नि बोसोर आरो रायजोयाव बा बोसोर खुंनायनि उनावबो बेकारफोरनि अनजिमाया बांगासिनो थादोंब्लाबो बिसायख’थियाव फिन नै लाख सोरखारि साखरि होगोनखौ खोथा होदों बिजेपि दोलोआ।

    रायजोयाव नै लाख सोरखारि साखरिनि मासिफोरा उदां जानानै दंब्लाबो उदां मासिफोरखौ मानो सुफुंनाय जायाखैमोन होननानै रायजो-राजाफोरनि गोसोयाव सोंनाय सोमजिदों। बिनिखायनो फैगोन गोदान सोरखारखौ बेकार जेंनाफोरखौ सुफुंनो नाजानो थाखाय बेकारफोरनि थाखाय आलादा मोनसे बिथांखि आजाव जानायखौ बयबो लुबैदों।

    आरो फरायबाव : नक्सलिआ हमना दोननाय जवानखौ 5 साननि उनाव हगारनानै होयो

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गुवाहाटी गोजौ बिजिरसालिआ नेवसिदों रन्जन दैमारि आरो गुबुन एनडिएफबि दैदेनगिरिफोरनि बेइलनि आर’ज

    बावैसो सिगां, रन्जन दैमारिजों लोगोसे सा 9 दैदेनगिरिफोरा स्पेसियेल जद्ज, सिबिआइनि साजाखौ बोखारनो गोजौ बिजिरसालिआव आर’ज खालामदोंमोन।

    Digital Platform आव बर’ सावथुनखौ फोजौखांनो थाखाय NEWBO मुंनि APPS बेखेवदों

    सोरखारि साख्रिखौल आसा खालामनानै थाया लासेनो कक्राझार जिल्लानि सिङाव थानाय दतमा हालामनि M. Tech. (IIT Dehradun) उथ्रिसारनाय मारुंसा सोरां ब्रह्मआ बर' सावथुनजों लोगोसे गुबुन गुबुन राव हारिनि राव हारिमुखौ डिजिटेल प्लेटफर्म आव फोजौखांनो मिजिं लानानै NEWBO मुंनि APPS बेखेवदों।

    बङाइगावआव हाग्रा बिफाननि नायबिजिरनाय; हमदों आयेन बेरेका दंफां मिल

    हाग्रा बिफानआ नायबिजिरनानै हमना मोनो आयेन बेरेखा दंफां मिल।

    जायगा-जायगा एजाहार होनायनि उनावनो निमाहा बिबाय आदिबासि धोरोमारि मेथाय खनगिरि आरो सुजुगिरिया

    दोंसे मेथाय आरो बिनि उनावनो सावराय जादों। आसामजों लोगोसे उरिष्या, झारखंड, पश्चिमबंगखौ लाफानानै गोबां रायजोनि जायगा-जायगा केस होदों मेथायजों लोबबा थानाय सुबुंफोरनि सायाव।

    गिख्रंथाव अर खामनायजों सानै खुदियानि जिउ खहा : गं 30 फायार ब्रिगेडनि गारिया जाथायथिलिसिम सफैदों

    गिख्रंथाव अर खामनायनि जाहोनाव सानै खुदियाफोरा खामथारजानो गोनां जादों होनना मिथिनानै मोनदों

    अन्जलि बसुमतारीखौ खावना लांनानै हानजायारी जिनाहारि खालामना जिउ फोजोबनाय दायनिगिरिफोरखौ खाबाय

    हमजानाय दायनिगिरि आब्दुल बारेकआ पुलिसनि सिगाङाव सिमान जानानै बुंदों दि - थांनाय 6 एप्रिल सुक्रबारखालि मोनाबिलि समाव हिन्जावसाखौ उदालगुरिनिफ्राय खावनानै लाबोदोंमोन आरो जुंखामनि आबादथिलियाव हानायै जिनाहारि खालामनानै बुथारदों होनना।

    टल टेक्स होनानै बोराबनाय गामिनि राइजोआ बुलदजारजों गावनि थाखाय आलादा लामा बानायदों

    फाष्टटेग होनायखौ लानानै जायगानि सुबुं आरो टल गेट कम्पानिफोरनि गेजेराव सानफ्रोमबो नुजायो जेंना।