23.5 C
Guwahati
Wednesday, October 20, 2021
More

    मुवा-बेसादफोरनि बेसेना बांनो हमदों

    मुवा-बेसादफोरनि बेसेना बांनो हमदों

    टाइम8बर’ देस्कनिफ्राय-
    आसाम हादरसायाव मुवा-बेसादफोरनि बेसेना सानफ्रोमबो बांनो हमनायखौ नुनो मोननाय जादों। बे बेलायाव सरासनस्रा सुबुंफोरा सानफ्रोमबो जिउखांनायाव जोबोर सौथुनो गोनां जानाय खौरां मोननाय जादों। बे बेसेन बांनायखौ फुड एण्ड सिभिल साप्लाया हाजासे नोजोर लाखिनांगौब्लाबो फेलें जानाय बादि नुयो। जेरावनिखि बे बेसेन बांनायखौ सोरखारासो खालामनांगौनि बदल हलसेलारफोरखौसो खालामनाय नुनो मोननाय जायो। सानफ्रोमबो बाहायनाय मुवा-बेसादफोरनि बेसेना बांगासिनो दंब्लाबो थांनाय साननैसोयाव बांसिन बेसेन बांनाय नुनो मोनो। बे बेसेन बांनायाव खालि हलसेलल’ नङा, खुसुरा फानग्राफोराबो बेसेन बांहोनाय नुनो मोननाय जादों। फुड एण्ड सिभिल साप्लाय बिफाना मुङावल’ मोनसे बिफान जानानै दंब्लाबो मुवा-बेसादफोरनि बेसेनखौ थि खालामनायाव जेबो राहा लायाखै होननानै अजद सिखांदों । बिजेपि दैदेननाय आसाम सोरखारा सिण्डिकेट बन्द खालामनायनि बाथ्रा बुङोब्लाबो जायगा-जायगा सिण्डिकेटनि रायजो सोमजिदों होननानै सम-सम अजद सिखाङो। फालांगिरिफोरा गावसोरनि गोसो बादि बेसेन बांहोनायखौ नुयोब्लाबो मेगन खाना बादिसो थायो फुड एण्ड सिभिल साप्लाय बिफाना होननानै खौरां मोननाय जादों। बे बेलायाव गिबि मन्थ्रि ड० हिमन्त बिश्व शर्माआ दालि,थावगुबैनि बेसेन बांनायनि सायाव मिरु सोरखारसिम नाथ्रोद हरनानै हादरसा सोरखारा जेबो मावनांगौ गैया होननायसो नुनो मोनो।

    👉टाइम8बर’ इयुटुब सेनेलखौ नायनो थाखाय बेवहाय थुनानै हो-https://www.youtube.com/c/TIME8Bodo

    बिनिखायनो सोरखारा बेनिफिसारिफोरनि एकाउन्टाव रां सोदों आरो सोरखारनि मावफारियाफोरनो डिए होदों होननानैबो गिबि मन्थ्रिखौ बुंनाय खोनायो। दावदैनि बेसेन बांनाय समाव फुड एण्ड सिभिल साप्लाय मन्थ्रिआ कर’ना जिउसानिफ्राय रैखा मोननो सुबुंफोरा दावदै बारा जानायखाय बेसेना बांदों बुंनानै बेसेन बांनायनि जाहोनखौ गुबुनथिंसो लांनाय नुनो मोनो। हादरसा सोरखारा बेसेन बांनाय आयदाखौ नागारनानै थाना फालांगिरिफोरा सुबिदा लानानै मुवा-बेसादफोरनि बेसेनखौ बांहोनानै सरासनस्रा सुबुंफोरनि खर’यावसो थांगोन बुनाय बादि खालामनाय नुनो मोनो। खौरां मोननाय बादिब्ला थांनाय सानबासोयाव मसुर दालि, थावगुबै, सेनि, संख्रि बायदि मुवा-बेसादफोरनि बेसेना साननो हाथावैबादि बांनो हमदों। मसुर दालिनि खुसुरा बेसेना किल’फायाव 90-94 बेसेनमोनब्लाबो बे साननैसोयाव 110-130 रांसिम बांनो हमनाय नुनो मोनो। मिथिनाय बादिब्ला थावगुबैनि बेसेना लिटारफायाव 170-190 रांमोन, नाथाय दा बांनानै 200-230 रांसिम जाहैबाय। सेनिनि बेसेना किल’फायाव 40-41 रांनिफ्राय 45 रांसिम बांनो हमदों। बयनिख्रुइबो खमसिन बेसेन संख्रियाबो दा 10-12 रांसिम बांनो हमदों। मिथिनाय बादिब्ला थाव गुबै थिंसेयाव 1600-1900 राङा दानि समाव 2200 रांसिम बांनो हमबाय । फिसा-फिसौ फालांगिरिफोरनिख्रुइ हलसेल फालांगिरिफोरा हानथा-मेला आरो मुलाम्फाखौ नायनानै 6% बांसिन बेसेनाव मुवा-बेसादफोरनि बेसेनखौ लानो हायो। नाथाय फुड एण्ड सिभिल साप्लायनि मोखाङावनो हलसेल फालांगिरिफोरा खुसुरा फालांगिरिफोरनो बेसेनखौ खानानै हरो होननानै मिथिनाय जादों। दा बि बेसेन बादियैनो मुवा-बेसादफोरा फानजानायाव सरासनस्रा बायग्राफोरनि खर’याव खान्थाल बुफ्रुनाय बादिसो सानखांनाय फैदों। बिदि थासारिनि थाखाय मुवा-बेसादफोरनि बेसेनखौ होबथानो थाखाय सोरखारा मावख’गिरि-मावफारियाफोरखौ थिनगोन। अब्ला बिसोर बादि मावख’गिरि-मावफारियाफोरा गंनैसो खुसुरा दखानफोराव नायदिंहैगोन। बे थार बाथ्रा। नाथाय बेसेना खमायनांगौ जायगासिम सहैयाबालानो नांगौबादि राहा लायैनि थाखाय सानफ्रोमबो मुवा-बेसादफोरनि बेसेना बांनो हमनायखौसो नुगासिनो दं। जियानो जाया मानो मुवा-बेसादफोरनि बेसेन बांनायखौ सोरखारा दानो होबथानो राहा लायाबा इयुनाव मोनसे गिदिर जेंना जाहैगोनखौ नुहुरो।

    टाइम8बर’आव बायदि फोसावनो लुबैयोब्ला बे जानबुङाव खौरां लानो हागोन । सुलाद लानायनि जानबुं: 8404085908

    आरो फरायबाव : कक्राझारआव साथाम ULB नि केडार हमदों

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं