22 C
Guwahati
Wednesday, January 12, 2022
More

    गावनो गाव आबाद मावनो सोलोंनायनि सम जाबाय

    गावनो गाव आबाद मावनो सोलोंनायनि सम जाबाय

    टाइम8बर’ देस्कनिफ्राय –

    आसाम हादरसायाव मुवा-बेसादफोरनि बेसेना सानफ्रोमबो बांनो हमनायाव सरासनस्रा सुबुंफोरा गोबां जेंनायाव गोग्लैनाय खोनानो मोननाय जादों। दा बिदि थासारिनि थाखाय हादरसायाव मोनसे जोंफुनाय अर बादि मुवा-बेसादफोरनि बेसेना बांनो हमदों। कर’ना जिउसाया सरासनस्रा सुबुंफोरनि जानजिखौ सिफायनायनि उनाव मुवा-बेसादफोरनि बेसेना बांनायनि थाखाय गेजेर थाखोनि सुबुंफोरा दै गोथौयाव सानस्रिनो गोरोंब्लाबो गिसंनानै सानस्रिनो रोङै बादि थासारि जानाय नुनो मोननाय जादों। गासैबो हेंथा आरो सोमावसारदों मुवा-बेसादफोरनि बेसेन बांनायनि सायाव। बिदि सोमावसारनायखौ नुनानैबो नुयैबादि खालामदों जगाय बिफाना । देस्लायनिफ्राय लानानै गुबुन मुवा-बेसादफोरनि बेसेना बांनो हमनायखौ नुनो मोननाय जादों। बोथोरनि गोथां मैगं-थायगंनि बेसेना किल’फायाव जि रांनि खम-बारा जाखागोन ।नाथाय दालि, थावगुबै,सामब्राम गोजा बायदि मुवा-बेसादफोरनि जा मोनसे थि समनि दिहुनथाय आरो मोनबाय थानाय समावबो अख्रां नांहां बेसेन बांनाया जोबोर साननांगौ बाथ्रा! जगाय बिफाना गोसो जायोब्ला माखासे मुलिनि बेसेनफोरखौ नांगौ बादियै जमा खालामनानै दोननो हायो। बोसोरफ्रोमबो मोनसे थि समाव सामब्राम गोजा आरो आलुनि बेसेना बांनो हमो। जायगानि आलु ओंखारनाय लोगो-लोगो बेसेना खमायो। नाथाय जायगानि आबादारिफोरा बे बेसेनखौ मोननाय जाया। बे समाव मोनसे-मोननै नङा, गासैबो रोखोमनि मुलिफोरनि बेसेना बांनो हमदों। बे बेसेना हलसेल आरो खुसुरा फाननायनि बेलायाव एसेल’ खम-बारा जानायखौ नुनो मोननाय जायो।

    👉टाइम8बर’ इयुटुब सेनेलखौ नायनो थाखाय बेवहाय थुनानै हो-https://www.youtube.com/c/TIME8Bodo

    मुलि जगाया खमायनाय आरो बांसिन बाहाय जानायनि थाखायनो बेसेन बांनायनि जाहोन होननानै बुंनो हायो। बे बेलायाव साननायनि सम सफैबाय। गावनि बारियाव मैगं-थायगंफोरनि आबाद मावनायनि सायाव साननो गोनां जानानै फैथारबाय। दा नोगोर-थावनफोराव एसे जायगा मोनब्लानो टाबफोराव आबाद मावनो हायो। मोनसे सम दंमोनदि गामिनि सुबुंफोरा संख्रिनि बादै गुबुन मुवा-बेसादफोर बायामोन। गावनि आबादनि फसल सबाय, थावगुबै, गुरुमिथाय, दाव-हांसो, फख्रिनि ना लोगोसे मोसौ-अमा-बोरमा खानो थाखाय फाथोनि आबाद मावोमोन। दिनै जेसेबां गोदानथि जादों एसेबांनो नखरारि दिहुनथाया खमायनो हमनाय नुनो मोननाय जायो। बिनिखायनो जों हाथाय-बाजाराव जलंगा लानानै हाथाय खालामा बालानो , खाथिनि हाखौ गारसोनानै दोनब्लानो मुवा-बेसादफोरनि बेसेना खमाया होननानै साननो गोनां जादों। बिनिखायनो मुवा-बेसादफोरनि बेसेन बांनायखौ सोनारा बालानो गावनो एफा-एनै आबाद मावनानै नखरनि नांगौ मुवा-बेसादफोरखौ जगायनानै लानो हायैनि जेबो गोब्राब खामानि नङा। बे साननाया दिनै समनि थिननाय ।

    टाइम8बर’आव बायदि फोसावनो लुबैयोब्ला बे जानबुङाव खौरां लानो हागोन । सुलाद लानायनि जानबुं: 8404085908

    आरो फरायबाव : रसिता एक्काखौ जिनाहारि खालामनानै बुथारग्रा दायनिगिरिखौ हमनानै फासि होनांगौनि दाबिजों बागानपारा पुलिस थानाखौ बेंखनदों

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं