30 C
Guwahati
Sunday, July 25, 2021
  • जागायनाय
  • भिदिअ
  • टाइम कास्ट
More

    आसामनि आबादारिफोरा मायनि थार बेसेनखौ मोनसिगोन ना?

    आसामनि आबादारिफोरा मायनि थार बेसेनखौ मोनसिगोन ना?

    टाइम8 बर’ देस्कनिफ्राय-

    हादरसानि सिङाव थानाय आबादारिफोरनि थाखाय मोजां खौरां। आबादारिफोरा खाफालनि गोलोमदैखौ हायाव फसरनानै आबाद मावनाय फसलनि सायाव मोननांगौ बादि बेसेन मोनबोयाखैमोन । बेफोर बादि फसलफोरनि गेजेराव मायनि सायाव बावैसो सिगां गाहाइ मन्थ्रि नरेन्द्र मदिनि आफाद सामलायनायाव जनाय मिरु केबिनेटनि थिरांथा बादियै 2021-22 मायथायनि थाखाय मायनि खमसिम बेसेनखौ बांहोनानै 1940 रां खालामबाय। बे थिरांथाया जोबोर गोजोनथाव खौरां आबादारिफोरनि थाखाय। बिनि जोहै जाय आबादारिया मायनि आबाद मावो , बिसोर बादि आबादारिफोरा मुलाम्फा जागोन होननानै साननो हागोन। दासान्दै कर’ना जिउसानि गिख्रंथाव थासारिनि थाखाय आसामाव हाफ्थायारि हाथाय-बाजारफोरखौ बन्द खालामथ’दों। बे समाव आसामनि गोबां ओनसोलफोराव आयजं, बाहादुर, बायसमुथि, रन्जित बायदि मायनि बेसेना मनफायाव 520 रांनिफ्राय 540 रां बेसेनाव फानजागासिनो दं । बे बादि बेसेना जोबोर खम बेसेन होननानै आबादारिफोरा अजद खालामनाय नुनो मोनबोदों । बि मनफा मायनि बेसेना कुन्टलफायाव 1325 रां जायो। 2020-21 मायथायाव मायनि खमसिन बेसेना 1868 रांमोन। बे बोसोराव 72 रां बांहोनाय जाबाय। मिथिनाय बादिब्ला थांनाय बोसोराव आबादारिफोरा लखसान जादोंमोन। बे बोसोरावबो 1940 रां बेसेनाव आबादारिफोरा मायखौ फाननो हागोन होननानै साननो हागोन ना ? बे समाव हाल एवनो बाहायनाय ट्रेक्टर सालायनो डिजेल थावनि गोनां जायो। नाथाय बे डिजेल थावनि बेसेना बांनानै सेन्सुरि मारिबाय। हासार, मायज्लिनि बेसेन, हाजिरा मावग्रा सुबुंनो होनाय रां दंबावो ! दा नुनो मोननाय बादिब्ला आबाद मावनाया एफा गोरलै नङा । मानोना रानस्राव, दैबाना, खुरखानाय, मायनि बायदि रोखोमनि बेराम , एम्फौ-एनलाफोरा खहा खालामनाय दंबावो। थेवबो जोबोर दुखु-खस्थ’फोरखौ नेवसिनानैबो हाथाय-बाजाराव माय ओंखार होनो हादों आसामनि आबादारिफोरा, खम बाथ्रा नङा ! बिनिखायनो आसामनि आबादारिफोरा मायनि खमथार रां 1940 खौ मोनोब्ला मोजां जायो। बे बेलायाव आसाम सोरखारा आबादारिफोरनि सायाव माबादि राहा लायो बेयो नायथाव जागोन।

    आरो फरायबाव : फरायसालिनि फोरमाननि सायाव आनजादनि नाम्बार होनाय जागोन, गासैबो फोरमान लानाय जादों

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    इन्जुर बारनानै खारो हौवा गोदान-हिन्जाव गोदान, उन उन होसोलाङो पुलिस

    जाथायखौ फोरमायनायबादिब्ला, हाबाथिलिआव गनायथि होनायनिखुरै 10 जौखोन्दो बांसिन सुबुंफोर दंमोन।

    बागसायाव हा जावना न’आव हाबनानै गोदोना हासना फोथैनो नाजादों

    खोमसिनि खाबु लाना गोदोना हास'नानै फोथैनो गोख्रों नाजादोंमोन बिस्लाल हुसैन मुंनि सासे सुबुंखौ।

    बागसाआव लांखारनाय जाथाय! सा 2 उन्दै गथसाफोरजों लोगोसे सा 7 सिख्लाफोर आरो सा 15 सुबुंखौ रैखा खालामदों

    बागसा पुलिसआ सा नै लांखारग्राखौ हमनो हानायजों लोगोसे सा नै उन्दै गथसा, सा स्नि सिख्लाफोर आरो सा जिबा हौवासाफोरखौ रैखा खालामदों।

    राय्जोआव दिनै गोदान SOP फोसावना होदों, गं 5 जिल्लाफोरा आबुं लकडाउन

    केशब महन्तआ गं 5 जिल्लाफोरखौ सफ्ता मोनसेनि थाखाय आबुं लकडाउन फोसावदों।

    आबाद बिफाननि अफिचारफोरा आबाद फोथाराव थांथारनांगोन : घनस्याम दास

    बे हाबाफारियावनो गसाइगाव केभिकेनि चीफ मनरन्जन दासजों लोगोसे कक्राझार, बागसा, चिरां आरो उदालगुरी जिल्लानि डिअ, एडिअ इन्जिनियार आरो बिगियानगिरिफोरजों लोगोसे बिटिसिनि आबाद बिफाननि मावफुं सोद्रोमा घनशियाम दासआ बाहागो लायो ।

    एनएलएफबि नि चीफ एम बाथाखौ नागिरनाया सोलिगासिनो दं : सुरजित सिं पानेस्वर

    समबाराव कक्राझार प्लेनेटरियामआव पुलिस बिफाननि बान्जायनायाव बर' लाइमोन फोरखौ पुलिस आरो रौनिया लोगोसे पेरा मिलिटारिआव थिसन्नाय आगु फोरोंथाय मावबादा बेखेवनाय हाबाफारियाव बाहागो लानानै कक्राझार जिल्लानि उफ्रा पुलिस बिबानगिरि सुरजित सिं पानेस्वरा बुंथियोदि गोदानै जोनोम जानाय हाथियार लानानै सोमावसारग्रा हान्जा एनएलएफबिनि दैदेनगिरि एम बाथाखौ गोख्रों नायबिजिरगासिनो दं होन्ना बुंथियो।

    कक्राझारआव सासे बर’आइजोआ आखायनि हाबा मावना गोग्गानाय लाबोदों

    आयजोफोराबो सोलोंथाइजों लोगोसे गेलेमु आरो गुबुन गुबुन हाबा हुखायाव हौवा माहारिजों समान जायगा आवग्रिनो हादों।