27 C
Guwahati
Wednesday, September 22, 2021
  • जागायनाय
  • भिदिअ
  • टाइम कास्ट
More

    कर’नानि थाखाय सोलोंथाया उनफिनबाय नामा ?

    कर’नानि थाखाय सोलोंथाया उनफिनबाय नामा ?

    टाइम8बर’ देस्कनिफ्राय-

    हादराव कर’ना जिउसानि सनदेरनाया बांनायनि थाखाय माखासे हादरसाफोरनि सोलोंथाइ फसंथानफोरजों लोगोसे आसाम हादरसानि सोलोंथाइ फसंथानफोरखौ बन्द खालामनाय जादों। बे कर’ना जिउसानि सनदेरनायनि थाखाय सोलोंथाइ बिथिङाव मोनसे गाज्रि इसारा नुजाथिनाय नुनो मोन्दों। दिनै बोसोरसे खावसे सम सोलोंथाइ फसंथानफोराव फरा फोरोंनाय आरो फरा सोलोंनाय खामानिया थाद’नो गोनां जानायाव गुदि फरायसालिनि उन्दै बैसोनि फरायसा-फरायसुलिफोरनि जिउआव मोनसे सानबोलाउरी सानखांनाय सफैनाय नुनो मोनो। नुनो मोननाय बादिब्ला फरायसा-फरायसुलिफोरा गोबाव सम फरायसालियाव थांनानै सोलोंथाइ लानायनिफ्राय गोजानाव थानांदों। बिदि थासारियाव गोबां अनजिमानि फरायसा-फरायसुलिफोरा फरायनाय हुदानि सायाव बानाय सोमजिनाय नुनो मोन्दों। कर’ना जिउसानि सनदेरनाय थासारिनि थाखाय मेट्रिक आरो हायारसेकेन्दारि आनजाद होगिरि फरायसा-फरायसुलिफोरनो सोलोंथाइ बोसोरा जेन गाज्रि जाया बिनि थाखाय सिगाङाव जानाय आनजादफोरनि नाम्बारफोरखौ लानानै उथ्रिसार होनो लानाय थिरांथा लादोंब्लाबो थांनाय बोसोराव सोलोंथायनि जेबो गियानखौनो मोनाखै फरायसा-फरायसुलिफोरा । सोरखारा दासान्दै फरायसा-फरायसुलिफोरखौ फरायसालियाव थांनानै फरा सोलोंनायनि बदल अनलाइन क्लास खालामनाय राहा खालामदोंब्लाबो बेयाव जाफुंसार जागोन होननानै बुंनो हाया। मानोना दाबो गोबां ओनसोलफोराव मबाइल फननि नेटवर्कनि आंखाल । बेजों लोगोसे दासिम गोबां नखराव स्मार्ट फन गैया। जाहोनाव माखासे अनजिमानि फरायसा-फरायसुलिफोरा अनलाइन क्लास लानायनिफ्राय गोजानाव थानांदों। दा कर’ना जिउसानि गिख्रंथाव थासारिखौ होबथानो थाखाय सोरखारा बेसेन नाङै भेकसिन होनायनि राहा खालामदोंब्लाबो बे कर’ना जिउसाजों सनदेरनाय बेरामा थाबैनो बुहुमनिफ्राय गैया जाया। बेखौ बयबो हमदांनो हाखायो । बे बेरामा गैया जानो गोबां बोसोर नांनो हागौ ! बिनिखायनो सोलोंथाइ बिफाना फरायसा-फरायसुलिफोरनि इयुन सोलोंथाइ जिउखौ नोजोर होनानै गिलुं थासारिखौ गोजान खालामनो थाखाय मोनसे गोजोर राहा लानायनि सायाव साननो गोनां जानानै फैदों।

    आरो फरायबाव : गसाइगाव महकुमानि दुमबाजार गामिनि मायरं दिलारनि सायाव जाख्लनायनि बेरेखा खुद्रिसारदों ओनसोलनि रायजो राजाफोरा

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गोसो थोलायनाया खाना! बागसायाव बे बाथ्रानि सैथो जाथाया जादों

    हिन्दु सिख्लाखौ मुसलमान सेंग्रानिफ्राय लाइफिननो थांनानै सिख्लानि राव खोन्नानै गिदिंना फैफिननो गोनां जायो पुलिसा ।

    जोंनि गेजेराव जों जोंनि फिसाफोरखौ थै’ बावनांनायखौ लुबैया: रन्जित बसुमतारी।

    जोंनि गेजेराव जों जोंनि फिसाफोरखौ थै' बावनांनायखौ जों लुबैया बे बाथ्राया रोखा।

    बड’लेण्ड आयेन फरायसा गौथुमआ जोंसार आरो जनक कुमार ब्रह्मखौ गोसो खांनानै आलारि बाथि फोजोंदों

    पुलिसनि गुलिजों नंखाय दायाव जिउ खोमानांनाय कक्राझार जिल्लानि सेरफांगुरि पुलिस थानानि सिङाव थानाय सेलेखा सालगुरि गामिनि थागिबि।

    हाग्रामा महिलारि, सानसुमा खुंगुर बैसोमुथियारी, जनकलाल बसुमतारि आरो दावराव देख्रेबनि हेथायै सनितपुर जिला एबसुनि खेंफोरथि

    खौरांगिरि मेलाव सनितपुर जिला दुलाराय बर' फरायसा आफादनि आफादगिरि राजेस बुसुमतारिया बुंथियोदि, 2020 मायथाइनि 27 जानुवारि खालाराव बि.टि.आर. गोरोबथा जालांनायनि जायफोरा गोजोननाय गैयै एबा गोरोबथानि सायाव जायफोर मेलेमजेबि सुबुंफोरा केस होनो नायगिरदों बिसोरनि सायाव खेंफोरथि होदों ।

    बिटिआराव बड’लेण्ड पिग मिसननि‌ गेजेरजों रांखान्थि बिथिंआव जौगाहोनायनि बिथांखि! नाग्रिजुलियाव सांग्रांथियारि मावबादा

    बे सांग्रांथि मेलाव बिटिआरनि इएम राकेस ब्रह्म‌‌‌जों लोगोसे SDVO ड० रुपम बर', बड'लेण्ड पिग मिसननि दिथागिरि मनज कुमार बसुमतारी आरो नाग्रिजुलि भेतेनारिनि ड: प्रितुसिं थापाजों लोगोसे गोबां बिफानारि मावखगिरि बिथांमोना बाहागो लादोंमोन।

    मथर सिखाव गेंनि हेंथायै बागसानि बरमा पुलिसा गोख्रों अपारेसन! सानै सिखावखौ हमदों

    बरमानि बिखाजों थांनाय 31नं हारिमायारि  राजा लामानिफ्राय पुलिसा हमनो हादों सानै मथर सिखाव।

    डिब्रुगरनि स्टेत बेंकआव मुगैथाव खामानि मावग्राखौ हमबाय

    बुधबारनि मोनाबिलि समाव पुलिसनि मोनसे हानजाया आसाम हादरारि हान्था-मेला बिफाननि बास लाखिग्रा थावनियाव हमनो हायो ।