27 C
Guwahati
Wednesday, December 1, 2021
More

    दुर्गा फुजा आरो मुवा-बेसादनि बेसेन

    दुर्गा फुजा आरो मुवा-बेसादनि बेसेन

    टाइम8बर’ देस्कनिफ्राय-

    आसिन दान जोबनानै कार्तिक दान हाबनो बारा सान गैला । दा बि मोनसे रंजाथाव बोथोरा बहाबा गोमानानै थाबाय। बिदि रंजानाया खालि गामिफोरावल’ गोमादों, बे नङा, नोगोर, थावन गासैयावबो गोमानानै थाबाय। अरुण’दय बिथांखिनि से रोजा रां मोनब्लाबो किल’फा मसुर दालिनि बेसेना 110 रां, लिटारफा थाव गुबैनि बिसेना 200 रां होनानै सरासनस्रा सुबुंफोरा बायना जानानै साननि समावनो उखैदै नुलाय होलायनाय थासारि सोमजिदों। बेनिफिसारिनि समाज दानाय सोरखारनि थुलुंगा आरो उद्यगनि थाखायनो बै समनि गाव सोनारिनि आसामनि गामिफोराव गोमानाय नुनो मोन्दों। बेनिफिसारि जानो हानाय थुलुंगाखां गामिफोराव दा मुसुरबो गैला, बेसरबो गैला। से रोजा रां बेसेननि संग्रा गेसनि सिलिन्दार, जौसे रांनि पेट्रल बायनानै गाहाय आरो गेजेर थाखोनि नखरफोरा दाननि दाजाब-दानख’ खरसाखौ मिलायनो हाया बादि थासारि सोमजिदों। बिदि समावनो आसु आरो एबसुजों लोगोसे गुबुन फरायसा गौथुमफोर, समाजारि आफाद-सुबुंफोरा दिनै स्रिस्राय। नुनायाव मोनफा-मोननै दोलोफोरखौ हेंथा खालामनाय नुयो । थेवबो आबादारिनिफ्राय माय बायाब्ला हादरसा नाङै गोख्रों जांख्रिथाय लागोन होननानै बुंग्रा एमएलए अखिल गगैआबो दिनै सिरिथार।

    👉टाइम8बर’ इयुटुब सेनेलखौ नायनो थाखाय बेवहाय थुनानै हो-https://www.youtube.com/c/TIME8Bodo

    गासैबो सिरि थानायखायनो बाइक गंसेयाव साथाम गाखोनो होग्रा,सायकेल सालायदो बुंनानै सरासनस्रा सुबुंफोरखौ लाजि फोनांनो लामा मोनबाय। बिदि दैदेनगिरि-मन्थ्रि एबा राजखान्थि दैदेनगिरिफोरा रायजो-राजाफोरनि धोनजोंनो गोबां गारिनि कनभय खारहोयो। हेलिकप्टाराव गाखोनानै दावबायो। कर’नानि थाखाय जानाय लकडाउन आरो रांखान्थि हालोदनि थाखाय गोबां सुबुंफोरा खामानि गोमा जादों। बिदि हालोद, दुखुनि समाव आरो बोथोर सोलायनायनि गेजेरावनो दा दुर्गा फुजाखौ खुंजागासिनो दं। बे दुर्गा फुजा फालिथायाव गोबां सुबुंफोरखौ लोब-लोब ओंखारबोनाय नुदों। नाथाय गलाफोराव बायग्रा गैया। फुजा फैब्लानो गोबाङानो जि-जोम बायो। नाथाय जि-जोमनि बेसेनफोरा अख्रां नांहां बेसेन। सरासनस्रा सुबुंफोरखौ जि-जोम दखानाव हाबनाय नुदोंब्लाबो, बेसेननि थाखाय बायनो हायैखौ नुनो मोननाय जादों। नाथाय गेजेर आरो गोजौ थाखोनि नखरनि सुबुंफोरखौ जि-जोम बायनायाव जेबो खेरखेरायनाय नुनो मोननाय जाया। सोलायनाय बोथोराव रायजो-राजाफोरनि गोसोयाव सिगांफोरनि रंजानायखौ नुनो मोननाय जायाखै । फुजाफोरखौ बानजायगिरिफोरा थेलेब-लेबैनो खुंनाय नुनाय जादों । हादरसानि दाब-दाब जायगाफोरनि दुर्गा फुजा फालिथायफोराव सिगांनि बादि जोंब्लाउ-माब्लाउ, हारिमुयारि आयदा नुनो मोननाय जायाखै । थेवबो थांनाय बोसोरफोराव सरासनस्रा फुजिनाय बादियै फुजिनाय नुनो मोननाय जादों। जियानो जाया मानो बे दुर्गा फुजा फालिथायनि गेजेरजों कर’नानि बे गिख्रंथाव गाज्रि थासारिया संसाराव गोजोन-सान्थि फैथोंसै बेखौनो बयबो धोरोमारि सुबुंफोरनि मोखांनि महरानो फोरमायनायखौ नुनो मोनसै।

    टाइम8बर’आव बायदि फोसावनो लुबैयोब्ला बे जानबुङाव खौरां लानो हागोन । सुलाद लानायनि जानबुं: 8404085908

    आरो फरायबाव : बरपेटायाव नंखाय फोरमान होनानै टेत फोरोंगिरिया उन्दै हिनजावसाखौ लांखुमानानै हाबा खालामदों

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं