29 C
Guwahati
Sunday, June 13, 2021
  • जागायनाय
  • भिदिअ
  • टाइम कास्ट
More

    ड्रागस फालांगिनि रोदाखौ सोर बुफुगोन ?

    ड्रागस फालांगिनि रोदाखौ सोर बुफुगोन ?

    टाइम8 बर’ देस्कनिफ्राय-

    आसामनि खना-खनला जायगायाव ड्रागसनि फालांगिरि, लाबोग्रा आरो जाग्रा-सोबग्रा सुबुंफोरखौ पुलिसा सानफ्रोमबो हमनायाव ड्रागसनि फालांगि खालामग्रा सुबुंफोरनियाव बांग्रिं मावनाय बादि सोमावग्लुं हैदों। बे पुलिसजों हमजानाय सुबुंफोरनि गेजेराव बांसिनानो देरफुनाय लाइमोनफोर। बि लाइमोनफोरखौ ड्रागस जाहोना-सोबहोनानै आसामखौ खंगा खालामनो सोरबा फानजारि सादों नामा ? बिदि खालामनानै इयुन लाइमोनफोरनि जिउखौ गोथौ हाखराव नाख्लायनो साननाया आसामनि थागिबिफोरनि थाखाय जोबोर सानथावना जानानै फैदों। बिदि ड्रागसनि फालांगिरि, लाबोग्रा आरो जाग्रा-सोबग्रा सुबुंफोरखौ पुलिसा दा सान्दै हमनो हानायाव गोबां सांग्रांथि सुबुंफोरा गोजोननाय मोन्दों। ड्रागस फालांगिरिफोरनि हेंथायै दासिम खालामनाय पुलिसनि अपारेसना जाफुंसारनाय आरो फोजोबस्रांनो हायाबाबो बे अपारेसनाव ना गिदिरखौ जेयाव फोनांनो हायैया साननांगौ बाथ्रा जानानै फैदों। गोबां जायगायाव हमनो हानाय सुबुंफोरनि गेजेराव जायगानि फालांगिरि आरो लाबोग्राफोरा बांसिनानो गाहाय थाखोनि सुबुं । बेखौ बयबो मिथिगौदि हेर’इन, क’केइन बायदि बादि लेब’रेटरियाव बानायनाय बेसेन गोसा फेग्रा ड्रागसनि फालांगिखौ खालामो बायजो हादराव थानाय खोमसि मुलुगनि माफिया थामहिनबा थिउरिया गौथुमफोरा। बिसोरजों लोगोयाव जायगायारि रोखोमै थोंजों जगाजग गैया होननानै बुंनो हाया। सिमनायाव थानाय बिसोरनि एजेन्ट आरो जायगायारि फालांगिरिफोरखौ लानानै खालामनाय ड्रागसनि फालांगि खालामनायासो गिदिर बाथ्रा जादों। बिसोर बादि फालांगिरिफोरखौ सिनायनो हानाया गोब्राब जादों। दासान्दै नायबिजिरनायाव नुनो मोन्दोंदि आसामाव ड्रागस फालांगिनि गिदिर-गोलाव आरो गोहो-गोरा सुबुंफोरखौ हमनो हायैसिम नरमेलाव फैया। थारैनो बे बेलायाव जुदि पुलिसा माबा लोरबांथि थायोब्ला, अब्ला बे बाथ्राया आलादा जागोन। बे बाथ्राखौ बेखायनो रायखांनो गोनां जादों, मानोना धुबुरीयाव मोसौनि सिखाव फालांगि खालामग्राजों लोबबा थानायनि अजदाव साननैसो सिगां धुबुरीनि सासे उफ्रा पुलिस नायदिंगिरिखौ हमनाय जादोंमोन। बिखौ हमनायनि उनाव सिगांनि पुलिस नायदिंगिरिनि हेंथायै सन्देह’ जादों। ड्रागसखौ फाननायनि बेलायाव पुलिसनि अपारेसना खालि ना मावा-फिथिग्रिफोरनियावल’ जाबाय थायोब्ला जोबनानै थाङा । नैथियाव दायनिगिरि ड्रागसनि फालांगिनि दाय मोननो थांनायाव आसाम पुलिसनि फेलें जानायनि थाखाय सिगां समफोराव गोबां सुबुंफोरा बारग’ लांदोंमोन। मिथिनाय बादिब्ला सासे गान्जा फानग्रा आइजोनि हेंथायै गुवाहाटीनि पुलिसा सान 60 नि गेजेरावबो बिजिरसालियाव सारसित जमा होनो हायैयाव हालाय-हाफाय जानांदोंमोन। बिदिनो जुदि ड्रागस फानग्राफोरनि हेंथायै अपारेसन खालामनाया सा-साज्रां जायोब्ला बेयावनो थुंगिगोन होननानै सानखाङो। बिनिखायनो गाहाइ रोदाखौ मोनागौमानि नागिरबाय थायोब्लासो जाफुंसारगोन। दा बुंथारनो नांगोनदि गोबावैब्लाबो आसाम पुलिसा हादरसानि फेग्रा मुवा ड्रागसनि हेंथायै अपारेसन खालामनानै जा ड्रागस फालांगिरिफोर हमनो हाबाय, बे बेलायाव पुलिसखौ बाखनाय नांगोन। दा बि ड्रागसनि फालांगिया जेन गोख्रों जानो हाया बिनि सायाव जायगानि सुबुंफोराबो सांग्रांथि जानायनि सम सफैबाय। पुलिसखौल’ सोनारा बालानो गासैबो थाखोनि सुबुंफोरा बे ड्रागसनि फालांगि आरो जाग्रा-सोबग्रा सुबुंफोरखौ हमनो आवगाय बोयाब्ला समाजा खंगा-खंगि जागोनखौ नुहुरो। बिनिखायनो बे बेलायाव बयबो सांग्रांथि जानाया गोनांथार होननानै साननायनि सम फैबाय ।

    आरो फरायबाव : सुबुं बांनायखौ लानानै गिखांदों सोरखारा, मुसलमान आइजोफोरखौ जर’खायै सोलोंथाइ होनायनि राहा खालामगोन सोरखारा

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    15 आगष्टनि सिगां तामुलपुरखौ जिल्ला फोसावनाय जागोन; राज्यो सभा-लक’ सभायाव बर’ एमपि गैयैआ जेबो गोदान बाथ्रा नङा: प्रमद बर’

    सिगांनि बिपिएफनि बड’लेण्डआ दा गैलिया। जों दा गोजोननि फारसे दावगानो नागिरो होनना बुंथियो बिटिसिनि गाहाइ मावफुंगिरि सोद्रोमा प्रमद बर’आ।

    BTRनि गाहाइ मावफुंगिरि सोद्रोमा प्रमद बर’निसिम पृथ्वीराज नारायणनि बेरफ्रुसार बिबुंथि

    थामथि बर' गोजोन गोरोबथा बिटिआर गोरोबथा उनाव नर्थइष्ट हेरिटेज फाउन्डेसननि डाइरेक्टर पृथ्वीराज नारायण देब मेशआ बिटिसिनि गाहाइ मावफुंगिरि सोद्रोमा प्रमद बर'नि हेंथायै