30 C
Guwahati
Sunday, July 25, 2021
  • जागायनाय
  • भिदिअ
  • टाइम कास्ट
More

    आसामनि दैबानानि जेंनाखौ होबथानायनि राहा

    टाइम8 बर’ देस्कनिफ्राय- आसामनि गिबि मन्थ्रि ड० हिमन्त बिश्व शर्माआ आसामखौ उदां दैबाना खालामनो नाजानाय नुनो मोन्दों। साननैसो सिगां बिथाङा फोरमायनाय बादिब्ला बुरलुंबुथुर दैमाखौ जावनो हायाब्लाबो गुबुन नांजाबनाय दैसाफोरखौ ड्रेजारजों जावनानै बि जेंनाखौ फोजोबनायनि बाथ्रा सान्दों बे सोरखारा। मिथिनाय बादिब्ला 1950 मायथायाव बांग्रिं जानायनिफ्राय दैमा-दैसाफोरा थौले जानो हमदों। बिनिखायनो एसे बुरजा अखा हाबोलानो आसामाव दैबाना जायो होननानै गोबां सुबुंफोरखौ बुंनाय खोनायो। बि बुंनाय रावफोरखौ नंखाय बुंनो हाया। नाथाय आसामनि दैबानानि जेंनाया बेनि जाहोनावनो जादों बे नङा। भारत हादरा उदांस्रि जानायनि उनाव जानला-मानला मथाउरि खोनाय, आसामनि खाथियाव थानाय हादरसाफोराव गोबां बिबांनि हाग्रा ओनसोल फोजोबस्रांनाय, बिफोर ओनसोलाव सुबुं अनजिमा बांनाय आरो बुरलुंबुथुर दैमानि खर’ बाहागोयाव माखासे दाम प्रजेक्ट खालामनायफोरनि जाहोनावनो दैबानानि जेंनाया सानफ्रोमबो एफा-एफा बांबोदों आरो दा बिखौ होबथानायाव गोब्राब जादों। बुरलुंबुथुर दैमानि थौले जानायखौल’ जावनानै आरो मथाउरिखौ फोसाबब्लाल’नो दैबानानि जेंनाखौ फोजोबनो हागोन, बे नङा। आसाम हादरसाजों नांजाब फानाय हादर भुटान आरो अरुणाचल हादरसा बायदि हाजोयारि जायगानिफ्राय गोख्रै खाख्लायबोनाय दैया साहा आसामाव थानाय दैसाफोराव बोहै बोनानै दाहारा बांनायनि जाहोनाव सुबनसिरि, बरनदी, बेकि, पाग्ला दैसा, मानास, बिमा बायदि दैसानि दैया गुबुनजों बोहैनानै, आबाद फोथारफोराव बाला बुसावनायजों लोगोसे हरखाब दैबाना सोमजिनायनि जाथाया दिनै मोनसे फिसा जाथाय बादि जादों ? बिनि थाखायनो बुरलुंबुथुर दैमानि साहा बाहागोया थौले जानायनि थाखाय दैबाना जादों। नाथाय दैमानि खोला फारसेनि दैसाफोरा मेघालय हादरसानि अनगायै गुबुन जायगाफोराव गोलाव निजोम बोहै बोनानै बुरलुंबुथुर दैमायाव गोग्लै फैनायनि थाखाय खोला फारसे दैबानानि जेंनाया खम, नाथाय खुरखानाय अनजिमाया बारा। साहा फारसे दाहारा बारा जानायखाय बुरलुंबुथुर दैमानि गाहाइ दाहारावनो डिब्रुगड़, काजिरङा, मरिगाव बायदि जायगायाव बांसिन रुगुङा खुरखा जायो। जायगा लाना जायगा दैबानाया एरैबादि गिख्रंथाव महर लानायनि थाखायनो आसामनि दैबानानि जेंनाखौ फोजोबनोब्ला गुवार आरो गासै जौगाखांयारि सानखांनाय नांगोन। आरो बिखौ होबथानोब्ला आसाम हादरसाजों नांजाबफानाय भुटान हादर आरो अरुणाचल हादरसाजों सावरायज्लायनानै हेफाजाब लानायनि गोनांथि दं। दैबाना जेंनाखौ फोजोबनो दैमा-दैसाफोरखौ जावनानै, मथाउरिफोरखौ फोसाबनानैल’ दैबाना-हा खुरखानायखौ होबथानाया गोरलै जानानै थायाखै। थेवबो आसाम सोरखारखौ दैमा-दैसानि गोजाम मथाउरिफोरखौ फोसाबनानै दैबानाखौ होबथानो नाजानाय नुदों। दासान्दै दै बिफाननि मन्थ्रिआ हादरसानि गोबां जायगायाव थांनानै गिबि दैबानायाव खहा जानाय ओनसोल आरो मथाउरिफोरखौ नायदिं हैदों। बिदि नायदिं हैनायाव दैबानाजों लोमजाग्रा सुबुंफोरा गोजोननाय मोन्दों आरो गोसोयाव बोलो मोन्दों । दा जिल्ला बेंगिरिफोरा थोंजों खामानि मावनो हानायनि थाखाय मोनसे केबिनेट जथुमायाव थिरांथा लादों। जिल्ला बेंगिरिफोरा बे बिबानखौ लायोब्ला दैबानानि हेफाजाब राननायाव राजखान्थियारि बादि खामानि मावनाय आरो डिसपुरनिफ्राय मावख’यारि बिथोनफोरा खमायगोन होननानै साननो हायो। मानोना थांनाय समफोराव दैबानानि थाखाय हेफाजाब होनायाव राजखान्थियारि जानायखाय गोबां गोहैलो जादोंमोन होननानै अजद सिखांदोंमोन। जियानो जाया मानो दा जिल्ला खुंगिरिनो बिबान होनायाव दैबानानि हेफाजाबफोरखौ थिग मथै मोनगोन मोना, बेखौ समासो बुंसिगोन। आरो सिगां समफोरनिख्रुइ फैबाय थानाय समफोरा मोजांसिन जागोन होननानै मिजिंग थिबाय।

    आरो फरायबाव : चिरांआव पान्जाब रायजोनि सानै द्राग्स फालांगिरिफोरजों लोगोसे गंसे इन’भा गारि हमदों

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    इन्जुर बारनानै खारो हौवा गोदान-हिन्जाव गोदान, उन उन होसोलाङो पुलिस

    जाथायखौ फोरमायनायबादिब्ला, हाबाथिलिआव गनायथि होनायनिखुरै 10 जौखोन्दो बांसिन सुबुंफोर दंमोन।

    बागसायाव हा जावना न’आव हाबनानै गोदोना हासना फोथैनो नाजादों

    खोमसिनि खाबु लाना गोदोना हास'नानै फोथैनो गोख्रों नाजादोंमोन बिस्लाल हुसैन मुंनि सासे सुबुंखौ।

    बागसाआव लांखारनाय जाथाय! सा 2 उन्दै गथसाफोरजों लोगोसे सा 7 सिख्लाफोर आरो सा 15 सुबुंखौ रैखा खालामदों

    बागसा पुलिसआ सा नै लांखारग्राखौ हमनो हानायजों लोगोसे सा नै उन्दै गथसा, सा स्नि सिख्लाफोर आरो सा जिबा हौवासाफोरखौ रैखा खालामदों।

    राय्जोआव दिनै गोदान SOP फोसावना होदों, गं 5 जिल्लाफोरा आबुं लकडाउन

    केशब महन्तआ गं 5 जिल्लाफोरखौ सफ्ता मोनसेनि थाखाय आबुं लकडाउन फोसावदों।

    आबाद बिफाननि अफिचारफोरा आबाद फोथाराव थांथारनांगोन : घनस्याम दास

    बे हाबाफारियावनो गसाइगाव केभिकेनि चीफ मनरन्जन दासजों लोगोसे कक्राझार, बागसा, चिरां आरो उदालगुरी जिल्लानि डिअ, एडिअ इन्जिनियार आरो बिगियानगिरिफोरजों लोगोसे बिटिसिनि आबाद बिफाननि मावफुं सोद्रोमा घनशियाम दासआ बाहागो लायो ।

    एनएलएफबि नि चीफ एम बाथाखौ नागिरनाया सोलिगासिनो दं : सुरजित सिं पानेस्वर

    समबाराव कक्राझार प्लेनेटरियामआव पुलिस बिफाननि बान्जायनायाव बर' लाइमोन फोरखौ पुलिस आरो रौनिया लोगोसे पेरा मिलिटारिआव थिसन्नाय आगु फोरोंथाय मावबादा बेखेवनाय हाबाफारियाव बाहागो लानानै कक्राझार जिल्लानि उफ्रा पुलिस बिबानगिरि सुरजित सिं पानेस्वरा बुंथियोदि गोदानै जोनोम जानाय हाथियार लानानै सोमावसारग्रा हान्जा एनएलएफबिनि दैदेनगिरि एम बाथाखौ गोख्रों नायबिजिरगासिनो दं होन्ना बुंथियो।

    कक्राझारआव सासे बर’आइजोआ आखायनि हाबा मावना गोग्गानाय लाबोदों

    आयजोफोराबो सोलोंथाइजों लोगोसे गेलेमु आरो गुबुन गुबुन हाबा हुखायाव हौवा माहारिजों समान जायगा आवग्रिनो हादों।