टाइम8, फेब्रुवारी 22 : इं 2021 मायथाइनि ‘दादा साहेब फाल्के’ बान्था देरहागिरिफोरनि मुं फारिलाइखौ फोसावबाय। देग्लायनि बे बान्थानि थाखाय साबसिन फावखुंगुर महरै अक्षय कुमार आरो साबसिन फावखुंग्रि महरै दीपिका पाडुकननि मुंखौ फोसावदों।
गुबुन फारसेथिं जाखांफु फावखुंगुर रुंसारि सुसान्त सिं राजपुतनोबो मोनसे जर’खा बान्था फोसावदों।
मिथिनो मोननाय दिब्ला एसिड गाग्लोबनायनि सायाव बिथा खालामनानै बानायनाय सावथुन “चपाक” आरो खोला भारतनि सावथुननि रिमेक “लक्षी”आव फाव खालामनायनि थाखायनो अक्षय आरो दीपिकाया बे बान्थानि थाखाय सायख’जादों।
लोगोसेनो गागि फावखुंगुर धर्मेन्द्रनो ”लाइफ-टाइम एसिभमेन्ट” बान्थानि थाखाय सायखदों।
सावरायजानाय नोजोरबोआरि साबसिन फावखुंगुर महरै रुंसारि सुसान्त सिं राजपुतनि मुंखौ सायख’नाय जादों। बेनि अनगायैबो कियारा आदबानीआबो साबसिन फावखुंग्रिनि बान्थानि थाखाय सायख’जादों।
मख’नो गोनां दि, साबसिन दिथागिरि महरै “लुडु” सावथुननि थाखाय अनुराग बसुनि मुंखौ सायख’दों। आरो साबसिन सावथुन महरै “तानहाजि” आरो “दा आनसां वारियर”आ सायख’जादों।
आरो फरायबाव : ‘टि.बि. हारेगा-देश जितेगा’ स्लगानजों कक्राझारआव हान्जा सुरदों