25 C
Guwahati
Friday, May 7, 2021
  • जागायनाय
  • भिदिअ
  • टाइम कास्ट
More

    बैसागो रंथाय फोरबोनि नोजोरगासे : दिनै संक्रान्टि मोसौ बैसागु

    टाइम8, एप्रिल 14 : दिनै सैत्र दाननि जोबथा खालार आसामनि थागिबिफोरनि थाखाय दिनैफ्राय जागाय बैसागो। दिनैनि संक्रान्ति दिनखौ मोसै बैसागो होनना मिथिनानै मोनो अदेबानि जों मिथिसयै आजौ-आजैमोननि दिननिफ्रायनो फालिबोदों।

    आसामनि गामियारि सुबुंफोरनि गेजेराव बेखौ गोगोमै फालिनायजों लोगोसे दोरोङारि खान्थिखौ लाखिबोनाय नुनो मोनो। दिनैनि सानाव सोंरांस्लाबै समावनो न’खरनि मोसौ, बोरमाखौ दैमा, दंग’, फुख्रि, जामफैफोराव थुखैनाय जायो। मोसौखौ थुखैनायनि सिगां हांगार आरो थाव गुबैजों लगायनानै औवा थेरेनि थथाम गन खाजाबनानै मोसौनि मोदोम बिदाबआव आगर बादि फोननानै होनाय जायो।

    Photo credit : @RinkuBoro

    मख’नो गोनां दि, मोसौ थुखैनाय समाव लाव, फान्थाव, हालदै आरिफोरखौ हानानै लानायजों लोगोसे दिगेलि लावथि बिफां, मोखोना बिबार आरो थारायबो लानाय जायो। मोसौखौ थुखैनाय समाव हानानै लानाय लाव, फान्थाव, हालदैखौ मोसौनि मोदोमाव सारनानै होनायजों लोगोसे मोसौनि मोजां हामलायनानै मेथाय रोजाबनायबो जायो। गुबैयै “लाउ जा फान्थाव जा, बोसोरै बोसोर बारायलां हानजा हानजा। बिमा गायदेबादि दाजा, बिफा बलदबादि जा”। मख’नो गोनां दि, मोसौ थुखैनाय समाव आवरायनाय स्ल’क जाय लायै जाय इसे-इसे गुबुन रोखोमै बुंनायबो खोनायो।

    Photo credit : @RinkuBoro

    दोरोङारि खान्थि बादियै दिनैनि साननिफ्राय मोसौखौ थुखैखांनायनि उनाव हगारनानै होनाय जायो आरो दान मोनसे सम मोसौखौ गन एबा लावथिजों बुवालाबानो थारायजोंसो बुनाय जायो।

    मोसौ थुखैखांनायनि उनाव गामिनि बोराय सेंग्रा ज’-ज’ हाग्राया गोखा गोखै नागिरनानै लायनाय खान्थिबो गोदो-गोदायनिफ्रायनो सोलिबोदों।

    मोनाबिलि समाव मोसौ गलियाव गोथारै आलारी बाथि फोजोंनायनि गेजेरजों मोसौफोरनि थाखाय गोदान दिरुं होनाय जायो।

    Photo Credit : @jariminborgoyary

    उननि सानखालि अदेबानि बैसागो 1 खालारखालि फुंबिलि समाव दुगैस्रां लोबस्रां न’खरनि गिदिर-गोलावखौ मान होनायजों लोगोसे गामिनि गाहेला सुबुंफोरखौ मान होनाय जायो। बेनि उनाव बोराय-बेन्थ’, सेंग्रा-सिख्ला, गथा’-गथाय खाम,सिफुं, सेरजा, जथा, थरखा लानानै रंजानाय जायो।

    Photo Credit : @JugamiCreation

    गोदो-गोदाय बर’फोरा बैसागो रंथायखौ 7 सानसिम खुङोमोन। नाथाय दिनैनि ग्लबेलाइजद मुगायाव बेफोर गासैखौबो सोलायबोनाय नुनो मोनदों।

    आरो फरायबाव : हर्स ट्रेडिं आरो भटार रायजो

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    नंखाय कभिड-19नि रिपोर्ट बानायग्रा हान्जा पुलिसनि आखाइआव; डक्टरजों लोगोसे सा 5 खौ हमदों

    बे हान्जायाव सासे डक्टरजों लोगोसे सानै लेब टेक्निसियानबो दंमोन। पुलिसआ बे साथामजों लोगोसे गासै सा 5 सुबुंखौ हमनो हायो।

    बिसायख’थिनि जोबथा फिथाइ फोसावनायनि उनावनो गावजों गाव हिंसायारि जाथाय

    निलमनि सरकारनि न’खरआ सुनिल ब्रह्मखौ गावसिनि दखानाव दिरुंजों खाख्रबना जोबना दोनो आरो थुख्रासे लहानि रदजों खाफालाव बुयो।

    LIVE UPDATE: आसाम बिधान सभा बिसायख’थिनि फिथाइ 2021

    दिनै फुंनि 8 रिंगानिफ्राय आसाम बिधान सभा बिसायख'थिनि भट साननाया जागाबाय।

    बिसायख’थि देरहानानै थाथ’दों गोथार जुलि : सारटिफिकेट लायनो थांग्रोदों खैना गोदानआ

    भट साननाय मिरुआव जेब्ला पुनमखौ गोजा गाबनि सारिजों देलायफबनाय खैनानि गानजोमजों नुनो मोनो अब्ला बयबो सोमो नांदोंमोन। नाथाय उननि समाव मिथिनानै मोनदोंमोन दि, खैना गोदानआ गामि पन्सायतनि बिसायख'थियाव BDC सोद्रोमा महरै बिसायख'थि गेलेदोंमोन।