लिरगिरि – सोमखोर शिला
आं दिनै सोरनो बुंगोन
गोरबोनि राव ?
सोलेर गोयै सायखंनि आन्दोआव थाना
सोंखोमायो आं स्रोदनो
आंगो गोमानाय बुब्लिनि खोमा गुदियाव…
आं दिनै सोरनो बुंगोन
गोरबोनि राव !!!
मावरिया मोनाबिलियादि
खबाम गोमानाय दाहा गोनां बिङिनि देंखो जाना
सोगाबो सुहाबनाय अखाब्लिं हरफोरखौ…
आं दिनै सोरनो बुंगोन
गोरबोनि राव !!!
बयबोदि मुखुब गावनिखौ सुफुंनायाव
बुब्लियानो सुथुरब्ला आंगोफोरखौलाय माथो बुंबावनो ???
आंगोफ्रादि दा आंगो जानानै गैलिया…
आं नाथाय माब्लाबाबो
खुद्रिनो होआ…
सिमांबह्रा दाहानि बखालि गोसोखौ…
बेखायनोथ’ सोलाव लायो आं
कृष्णचुरा बिबारनि गाब
गाब गोमानाय बुब्लिनि गुसुथि जाहाबहोनो
बेखायनोथ’ सोलाव लायो आं
खासि बिबारनि मिनिनाय
दाहागोनां हरनि फोरबोफोरखौ गुस्लायहोनो
बेखायनोथ’ सोलाव लायो आं
खौऔनि देंखो
बारदैसिख्ला मोसाहोना
साव फोनजानाय गोथै समफोरखौ फोजाखांनो
*******************************