26 C
Guwahati
Wednesday, April 14, 2021
  • जागायनाय
  • भिदिअ
  • टाइम कास्ट
More

    गिबि आरो जोबथि दावहानि नायगिरि

    लिरगिरि – मदन नार्जारी

    अखाफोरा हाजार मेंनायजों लासैयै दोबैनो हमबायमोन
    हरसेनि सायनासालिनि दावहाखौ नायखांनानै ।

    बियो साननानै लादोंमोन
    बेबादि दावहा मोगथाङाव माब्लाबाबो जाफेराखै
    मिजिंबो खालामना दोन्दों
    दा जाथों बेबादि दावहा ।

    बेबादि दावहा दा नुफिन्थोंसै
    बे थांखिखौ गोर्बोआव थुब्रायनानै
    साननिफ्राय सोलाव लाथ’नाय हरसेनि जिउखौ बियो
    साननो फिरायफिननो हाबाय,

    सानजों गावनि सोमोनदोखौ अखाफोरा
    माब्लाबा नङा खालामनो हाफेरदोंना
    बोगथाबमाखौ दाद्रि होनानै
    एबा लाथिख’माखौ जोगदावनानै ……….. ??

    थेवबो बियो आद्रा थाबावनाय बैसोखौ
    थिनानै दोनदों जोबथा दावहाखौ नायनो थाखाय ।

    थारैनो, ….. हरनि दावहाया जेसेबां
    साननि दावहायाबो एसेबां गिलु-बालु
    हरनि दावहाया जोबनाय नङा जेरै
    साननि दावहायाबो दिनैसो जागायजेनदों

    मोनफ्रोम हराव
    अखाफोरा जिवखौ सांग्रेमानो दान होजासिम
    आरो सांग्रेमाया बिनि जिउखौ गनायजासिम
    दावहाया गैया थुंगेनाय ।

    बिबदिनो मोनफ्रोम सानाव
    सिमागैयैयाव साननि कुवानठामा जोबस्रांलांजासिम
    नुनो मोनगोन दावहानि गोदान जोनोम

    आसि थाइसेनिफ्राय फुरगेव मोखांसिम
    आरोबाव फुरगेव मोखांनिफ्राय आसि थाइसेसिम
    बियो नायथाबनांगौ जायो हरनि दावहा …….

    गुबै बाथ्राया नैबेसो
    अखाफोरा जेब्लाबो उदां नङा साननि सोलावनिफ्राय
    आरो दिनै हरनि सायनासालिनि दावहाया
    जागायजेननायनि मोनसे थालिमबोल’

    दावहाया मोगथांसिमबो बिबदिनो दावगाबोगोन
    अखाफोरनि सोलावाबो मोनफ्रोम हरनि थाखाय
    बिनिनो डेप्ट ट्रेप्ट जानानै थागोन ………….

    बेखौनो अखाफोरा सिमां-मोगथां नुदों
    लाथिख’ सोरखिबोनाय साननि रोदायाव बियो
    हरखाब सिरिमोनखांनानैबो बागदावदों ।

    लिरगिरि – मदन नार्जारी


    ( सोदोबथि – डेप्ट ट्रेप्ट :दाहार। जायखौ फिरायफिननो थाखाय आरोबाव गुबुन मोनसेनिफ्राय दाहार लाफिननांगौ जायो । बिबदिनो दाहारनि जेथोनिफ्राय जेब्ला ओंखारबोनो हायै थासारिया सोमजियो, बेनो #डेप्ट ट्रेप्ट : लिरगिरि)

    आरो फरायबाव : दिसपुरआव बि.जे.पि.नि दैदेननायाव सोरखार जागोन : प्रमद बर’

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गुवाहाटी गोजौ बिजिरसालिआ नेवसिदों रन्जन दैमारि आरो गुबुन एनडिएफबि दैदेनगिरिफोरनि बेइलनि आर’ज

    बावैसो सिगां, रन्जन दैमारिजों लोगोसे सा 9 दैदेनगिरिफोरा स्पेसियेल जद्ज, सिबिआइनि साजाखौ बोखारनो गोजौ बिजिरसालिआव आर’ज खालामदोंमोन।

    Digital Platform आव बर’ सावथुनखौ फोजौखांनो थाखाय NEWBO मुंनि APPS बेखेवदों

    सोरखारि साख्रिखौल आसा खालामनानै थाया लासेनो कक्राझार जिल्लानि सिङाव थानाय दतमा हालामनि M. Tech. (IIT Dehradun) उथ्रिसारनाय मारुंसा सोरां ब्रह्मआ बर' सावथुनजों लोगोसे गुबुन गुबुन राव हारिनि राव हारिमुखौ डिजिटेल प्लेटफर्म आव फोजौखांनो मिजिं लानानै NEWBO मुंनि APPS बेखेवदों।

    बङाइगावआव हाग्रा बिफाननि नायबिजिरनाय; हमदों आयेन बेरेका दंफां मिल

    हाग्रा बिफानआ नायबिजिरनानै हमना मोनो आयेन बेरेखा दंफां मिल।

    जायगा-जायगा एजाहार होनायनि उनावनो निमाहा बिबाय आदिबासि धोरोमारि मेथाय खनगिरि आरो सुजुगिरिया

    दोंसे मेथाय आरो बिनि उनावनो सावराय जादों। आसामजों लोगोसे उरिष्या, झारखंड, पश्चिमबंगखौ लाफानानै गोबां रायजोनि जायगा-जायगा केस होदों मेथायजों लोबबा थानाय सुबुंफोरनि सायाव।

    गिख्रंथाव अर खामनायजों सानै खुदियानि जिउ खहा : गं 30 फायार ब्रिगेडनि गारिया जाथायथिलिसिम सफैदों

    गिख्रंथाव अर खामनायनि जाहोनाव सानै खुदियाफोरा खामथारजानो गोनां जादों होनना मिथिनानै मोनदों

    अन्जलि बसुमतारीखौ खावना लांनानै हानजायारी जिनाहारि खालामना जिउ फोजोबनाय दायनिगिरिफोरखौ खाबाय

    हमजानाय दायनिगिरि आब्दुल बारेकआ पुलिसनि सिगाङाव सिमान जानानै बुंदों दि - थांनाय 6 एप्रिल सुक्रबारखालि मोनाबिलि समाव हिन्जावसाखौ उदालगुरिनिफ्राय खावनानै लाबोदोंमोन आरो जुंखामनि आबादथिलियाव हानायै जिनाहारि खालामनानै बुथारदों होनना।

    बारग’ लेङाइ आफादगिरि कमलाकान्त मुसाहारीनि उदां लाइजाम तरेन बर’निसिम; मा बुंखो तरेन बर’ आरो प्रसान्त बर’आ?

    मुसाहारी बिथाङा “बर’ थुनलाइ आफादनि जारिमिनाव गिबिसिन लाइजाम ब’मा” बिमुं होनानै बे उदां लाइजामखौ होयो।