लिरगिरि – फोजोंसार बानुवारी
सानदुं अखा
नों आं जों गासैबो
मिजिंखौ होसो होसो
आसार दाननि अखा हादैजों सिजा सिजा
आगान होदों
दैज्लांनि आबाद फोथाराव
अखाजों गोरोबलांदों गोलोमदै
दैबानाजों बुखारलांजादों मोदै
अब्लाबो आबादारिनि थांखि
नाजादों जुजिदों
जेननाय देरहानाय बावगारनानै
माब्लाबा सारअन्थाइ बारहुंखा
माब्लाबा खैदां खैफोद
मिनिनाय बेरखांदों
आघोननि गुसु फाइलियाव
फिन खेबसे मिजिं जथाइनानै
जेननाय देरहानाय जथाइना
आबादारिनि गोर्बोआव दं
मोदै आरो गोलोमदै
सैथो आरो गोथार
******