मुंदांखा मेथाय खनगिरि बिराज मोसाहारीनि गोदान मिउजिक भिडिअ’ “मदार्न गार्ल”आ मैया मोनानि 7 रिंगायाव बिथांनि इउटियुब सेनेल “बिराजमेल’दिस”आव रिलिस जायो।
जायनि आखुथायफोरा बिथांजों लोगोसे पेनसि आरो थारैनो रकेत। बिराज मोसाहारीनि भिडिअ’फोराव नोंसोर रकेतखौ नुनो मोनिया जाथावना दा? थारैनो जाथावै?
मेथाय भिडिअ’ रिलिस आरो अनस्क्रिन कपलखौ मोजां मोनग्राफोरा जोबोर गोसो बोरगोन। हे गसाय! बिसोर सानैखौ जयै जोबोर मोजां नुयोना!
बिथां बिराजआ बे सावगारिखौ मोनसे केप्सनजों बिथांनि फेसबुकआव हगारो
“कामिं सुन!!!! मदार्न गार्ल???”
बे समावनो पेनसि बिथाङा फेसबुकआव मोनसे जोबोर गिदिर सुंद’ फोरमायथि लिरनानै बै बिथांखिजों गोरोबनाय गोबां गोसोनि दुखुखौ फोरमायो आरो माबादि बिथांनि जिउआ मोजाङै दैदेन लांदोंमोन।
बे समावनो बिथाङा मोनसे हरखाब जाथायजों मोगा-मोगि जायो आरो बिथांनि गुस्थियाव मोनसे दागो थालाङो। बिथाङा बुंदेरबावो दि बिथाङा गावखौनो आयनायाव नायनो हायाब्ला मा जागोन साननानै गिदोंमोन आरो गोनो गोथो जादोंमोन।
नाथाय बिथाङा बे गोमोथाव बिथांखिखौ मोनो आरो गोसोआव गलाय मोनदेर आबेग फैयो। बिथाङा बुंबावो, बिथाङा दानिया गोदोनिख्रुइ गोरासिन मोनदांथि गोनां जादों आरो बै मदार्न गार्लआ गासैबो नोंथांमोननि थाखाय ओंखारबाय (गोजा हार्टनि इम’जिजों)
आरो बेनि उनाव जों बयबो मोनथियो जेराव बिराज, बेयावनो रकेत। बिथाङा जेब्लाबो मावनाय बादिनो बयजोंबो गावनि फावखौ मोजाङै मावफुङो। आरो बेनि थाखाय बिथांखौ जों जोबोर मोजां मोनो।
मदार्न गार्लआ जुनार मोजां मोनग्रानि थाखाय मेथायखौ मोजां मोननायनि गुबुन मोनसे जाहोन। थारैनो, भिडिअ’आव गोबां नायनोमोजां मावजिफोर दं। भिदिअ’खौ नायबिजिर आरो बेखौ बेसेबां मोजां मोनदों जोंनो फोरमायदो।