टाइम8, दिसेम्बर 3
दुखुनांथाव दि आसामनि सिआरपिएफनि सासे साप-इन्सपेक्टरआ गावनि सारभिस राइफलजों गावखौनो गुलि गावना लानानै जिउ फोजोबना लादों ।
जिउ फोजोबना लानाय सिआरपिएफ जवानखौ कमलपुर पुलिस थानानि सिङाव थानाय दैगुनपार हालामनि थागिबि जादब देका होन्नानै सिनायनो हादों ।
सुलुङाव मिथिनो मोननाय बादिब्ला, जादब देकाया सेन्ट्रेल रिजार्भ पुलिस फर्सनि 71नं लेङाइ साब -इन्सपेक्टर साख्रि मावोमोन । बे जाथाया जादों त्रिपुरानि राधानगर केम्बनि खुमलुं गाहाइ मावख’नि ट्रिपुरा ट्राइबेल एरिया अत’नमास दिस्ट्रिक कावन्सिलआव दिनै बृहस्पतिबारनि सानजौफु समाव ।
त्रिपुरा पुलिसआ जाथाइ जानायनि उनाव देकाखौ थैजों बोहैग्लाबनाय नुनो मोनो । लोगो-लोगोनो पुलिसआ जुवानखौ जिबि देहाफाहामसालियाव लानानै थाङो । जिबि देहाफाहामसालिया जादब देकाखौ गाज्री हालोदाव मोनो ।
नाथाय जिबि देहाफाहामसालिया जादब देकाखौ थैबाय होन्नानै फोसावो । कमलपुर पुलिस थानाया पस्त मर्टम खालामखांनानै जुवाननि नखरनो गोथै दोहाखौ गथायना होयो ।
Photo Credit : Google