टाइम8, एप्रिल 04 : हादोरआव करना जिउसानि गाग्लोबनाया फिन बांनो हमदों। बे समाव बलिउड इन्डाष्ट्रिनि फावगिरिफोरा करना जिउसाजों साफानि उनाव साफा गाग्लोब जानाय खौरांआ सोरांआव फैदों।
बलिउडनि खिलारि अक्षय कुमारआ रबिबार फुंनि समावसो करना जिउसाजों गाग्लोबजानाय जाथायखौ इनष्टेग्रामनि गेजेरजों टुइट खालामनानै फोरमायदोंमोन।
अक्षय कुमारनि उनाव फिन बलिउड नि सासे राजा बाबु गबिन्दायाबो करना जिउसाजों गाग्लोबजानाय खौरांआ सोरांआव फैदों।
मख’नो गोनां दि, राजा बाबु गबिन्दाया रबिबार फुंनि समावनो करना टेस्ट खालामजादोंमोन। नाथाय जोबोर सांग्रांनि गेजेरजोंबो करना पजिटिभआव फैयो। बिथांआ दायो मेडिकेल ट्रियेटमेन्ट लागासिनो आरो गावखौ ह’म कुवारेनटाइन खालामनाय जादों होननानै मिन्थि होदों।
बावैसो सान सिगां गबिन्दानि अनजालि बिसि सुनीतायाबो करना जिउसाजों गाग्लोबजानायनिफ्राय उदां जाबायमोन। बिथांनि न’खरनि सोद्रोमाफोरखौ करना टेस्ट खालामनाय जादोंब्लाबो करना रिपर्टआ नेगेटिभ फैयो।
गुबुन फारसेथिं, थांनाय साननैसोनि सिगां गबिन्दाया गावजों खाथि सोमोन्दोआव थानाय बिथांमोनखौबो करना टेस्ट खालामजानो खावलायदों।
आरो फरायबाव : UPPL दोलोनि मावथिनि गारियाव फ्लायिं स्कवाडआ सिग्रोमनानै मोनदों लाख-लाख रां…