टाइम8, एप्रिल 04 : बलिउडनि फावखुंगुर अक्षय कुमारआ इन्डास्ट्रीनि मादावनो बयनिख्रुइबो बांसिन मुखुब फावखुंगुरनि गेजेराव सासे जाफुंसार फावखुंगुर।
थांनाय 2020 मायथाइयाव करना जिउसानि थासारि, लक डाउन जोबनायनि उनाव फावखुंगुर अक्षय कुमारआ गोख्रोंङै शुटिं खालामबोगासिनो दंमोन। मानोना बिथांआ गावनि सावथुनफोरखौ समआव आबुं खालामनो सुटिंआव मुखुब दङोमोन।
बे समावनो बलिउडनि खिलारि मुंङै बिमुं मोननाय अक्षय कुमारआ करना जिउसाजों गाग्लोबजानाय खौरांखौ इस्टेग्रामनि गेजेरजों टुइट खालामनानै फोरमायदों।
मखनो गोनां दि, अक्षय कुमारआ दिनै 4 एप्रिल खालार रबिबारनि फुंबिलि समावनो करना जिउसाजों गाग्लोबजानाय जाथायखौ फोरमायनायजों लोगोसे बिथाङा ह’म क्वारेनटाइनआव थानायजों लोगोसे गोनांथि समाव सावस्रि बिफाननि मदद लागासिनो दं होननानै फोरमायदों। बिथांआ ‘राम सेतु’ सावथुननि शुटिंआव मुखुब दङोमोन होननाबो मोन्थिनो हादों।
गुबुन फारसेथिं, बलिउड इन्डास्ट्रीआव करना जिउसानि गाग्लोबनायखौ जोबोर गोख्रैथिजों बांनाय नुनो मोन्दों। मानोना 3 एप्रिल शनिबारखालि बलिउडनि लाइमोन फावखुंग्री आलिया भाटआबो करना पजितिभ जानाय खौरांखौ इनस्ट’ग्रामनि गेजेरजों फोरमायनाय नुनो मोन्दोंमोन।
आरो फरायबाव : 4 एप्रिल बेलासि 6.00 रिंगानिफ्राय सानथाम ड्राइ-डे फोसावबाय…