17 C
Guwahati
Friday, December 4, 2020
  • जागायनाय
  • भिदिअ
  • टाइम कास्ट
More

    सेल्फ-हेल्फ ग्रुपनि रां जाख्ल’नानै पुलिस थानानि आलासि जानांदों जिंकु

    टाइम8, अक्ट’बर 28

    थांनाय 1 अक्ट’बरनिफ्राय मिकिरभेटा पुलिस थानायाव सराइबारि गामिनि जिकु नाथ मुंनि सासे सुबुंनि सायाव गोबां मानसिफोरा रां जाख्ल’नायनि सायाव एजाहार होबोदोंमोन।

    बे एजाहारनि सायावनो मंगलबारनि मोनाबिलियाव मिकिरभेटा पुलिस थानानि आइ.सि. बरसिं तेरंनि नाजानायाव मेघालयनि बरनिहाटनिफ्राय जिकु नाथखौ हमनो मोनो।

    मिथिनो मोननाय बादिब्ला आत्मसहायक (गावसुंथा) मुंनि मोनसे आफाद दाफुंनानै सराइबारि ओनसोलनि गोबां आइजोफोरखौ रां बुथुमनाय खामानियाव सोस’नदोंमोन। गोबां बोसोर निखावरि न’खरनि सुबुंफोरनिफ्राय रां बुथुमबोदोंमोन बे आइजोफोरा।

    नाथाय जेब्ला दोनानाय रांखौ हरफिनायनि सम जानाय लोगो-लोगोनो जिंकु नाथआ खारखोमानानै थायो।

    बेनि उनाव रां खांग्रा आइजोफोरा गोबां राइजोफोरजों गोबां बाथ्रा बुंजानायजों लोगोसे लाजि फोनांजादोंमोन।

    मखनो गोनां दि, रां खांग्रा आइजोफोरनिफ्राय खमैबो साफायाव 5 लाखनिफ्रा 20/30 लाख रांसिम लेनृदेन दं होननानै मिथिनो मोनदों।

    पुलिस खुंथाइया 416/20 नम्बरनि 120B/406/420 आयेनि राहाजों मोनसे केस रेजिस्तार खालामनानै दायनिगिरिनि सायाव नायबिजिरनाय खामानिखौ मावदों।

    गुबुन फारसेथि जिंकु नाथखौ पुलिसआ हमनाय खौरांखौ मोननानै भुगिनांनाय सुबुंफोरा थानायाव फैनानै दावराव-दावसि खालामफैयो। उनावहाय फुलिसनि गोख्रों नोजोराव थासारिआ मोजाङाव फैयो।

    Photo: Time8

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गावबुरानि गोसो थोनायाव बोदोर जानानै खारस’न फैदों सासे सिख्ला

    रुपहि कलेजनि फरायसुलिआ थांनाय 3 बोसोरनिफ्राय धिं जेङनिनि गावबुरा इक्रामुल हुसेइनजों मोजां मोनलायबोदोंमोन

    प्रमद बर’आ ट्रेक्टर कम्पानिनि एजेन्ट : चन्दन ब्रह्म

    बिटिसि बिसाइख'थिनि मुङाव रां लानानै ट्रेक्टरनि इडभारटाइजसो खालामबाय थादों

    बिसायख’थियाव मोन 30 नि बारा एडिसनेल फर्स बाहायगोन: बि जे महन्त

    जायफोरा बिसायख'थि समाव हिंसायारी जाथाइ सोमजि होगोन बिथांमोनखौ गोख्रों साजा होनाय जागोन आरो बिसायख'थियाव मोन 30 निबो गोबांसिन एडिसनेल फर्स बाहायगोन होन्नानै महन्तआ बुङो ।

    रुंसारि देंखोगिरि वाजिड खाननि बिसिखौ नारसिननानै धोरोमखौ सोलाय होदोंमोन

    हादोराव कर'ना जिउसानि साग्लोबसारनाय समावनो मुंदांखा देंखोगिरि वाजिड खानआ रुंसारि जादोंमोन

    बे बाराव कर’ना नङा न’र’ भाइरासआ साग्लोबदों माखासे खुदियाफोरनि देहायाव

    बुहुमआव बोसोरै खमैबो 685 सुबुंनि देहायाव न'र' भाइरासजों गाग्लोबजायो