17 C
Guwahati
Friday, December 4, 2020
  • जागायनाय
  • भिदिअ
  • टाइम कास्ट
More

    सिराङाव हाग्रा बिफाननि सिग्रोमनायाव गंब्रै मथर हमदों


    टाइम8,सिरां,अक्ट’बर27


    बावैसो सान सिगांनिफ्राय आयेन बेरेखायै सुरां काट फालांगिफोरनि सायाव सिरां जिला हाग्रा बिफाननिफ्राय गोख्रों संदाननाय खामानिखौ मावबोबाय थादों।
    दुर्गा फुजानि बन्दखौ असिला लानानै माखासे सुरां फायखारिफोरनि सायाव गोख्रों नोजोर लाखिनानै दिनै फिन गंब्रै गारिफोरखौ दाब-दाब जायगानिफ्राय हमनो हादों हाग्रा बिफाननि सिग्रोमनायाव।

    थांनाय हरनि समाव गोबां लाख रांनि सुरां काट लांबाय थानाय गंसे नम्बर गैयै ट्रेक्टरखौ सिदलि थानानि सिङाव थानाय बामुनगावनिफ्राय हमनो मोनदों।
    बेजों लोगोसे बासुगावनिफ्राय लाख रांनि सुरां काटजों बुंफबनाय ए.एस.-26बि.-1903 नम्बरनि गंसे बलेर पिक-आप भेनखौ हमनो मोनदों।
    आरोबाव बे एखे हरावनो सुराङै अन्थाइ आरो बाला लांनाय गंनै डाम्पार गारिखौ हमनो मोनो।
    मिथिनो मोननाय बादिब्ला ए.एस.- 26 सि- 8081 आरो ए.एस.- 26 सि.- 8082 नम्बरनि डाम्पार गारिया थांनाय मंगलबारिनि सालान लानानै हरनि 12.00 रिंगासिम बासुगाव तिरिमारिनि चम्पा दैमानिफ्राय बाला, अन्थाइ लानानै 31 नं. राजा लामाजों बक फारसे थांबाय थादोंमोन। बे समावनो हाग्रा बिफाननि सिग्रोमनायाव हमनो मोनो।
    सिरां जिलानि डि.एफ.अ. ब्रह्मानन्द पातिरिआ फोरमायदों दि, गोबाव समनिफ्रायनो बेफोरबादि आयेन बेरेखायै गांसे सालानजोंनो गोबां बार अन्थाइ, बाला रोगानायआ सोलिबाय थादोंमोन होननानै फोरमायदों। बेजों लोगोसे सिरांनि सुन्दारि ओनसोलनिफ्रायबो माखासे सुरां काट हमनायनि बाथ्राखौबो फोरमायनायजों लोगोसे हमनो मोननाय गारि आरो सुरां काटफोरखौ सिरां जिला हाग्रा बिफाननि मावखुलियाव दोननाय जादों होनना फोरमायो।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गावबुरानि गोसो थोनायाव बोदोर जानानै खारस’न फैदों सासे सिख्ला

    रुपहि कलेजनि फरायसुलिआ थांनाय 3 बोसोरनिफ्राय धिं जेङनिनि गावबुरा इक्रामुल हुसेइनजों मोजां मोनलायबोदोंमोन

    प्रमद बर’आ ट्रेक्टर कम्पानिनि एजेन्ट : चन्दन ब्रह्म

    बिटिसि बिसाइख'थिनि मुङाव रां लानानै ट्रेक्टरनि इडभारटाइजसो खालामबाय थादों

    बिसायख’थियाव मोन 30 नि बारा एडिसनेल फर्स बाहायगोन: बि जे महन्त

    जायफोरा बिसायख'थि समाव हिंसायारी जाथाइ सोमजि होगोन बिथांमोनखौ गोख्रों साजा होनाय जागोन आरो बिसायख'थियाव मोन 30 निबो गोबांसिन एडिसनेल फर्स बाहायगोन होन्नानै महन्तआ बुङो ।

    रुंसारि देंखोगिरि वाजिड खाननि बिसिखौ नारसिननानै धोरोमखौ सोलाय होदोंमोन

    हादोराव कर'ना जिउसानि साग्लोबसारनाय समावनो मुंदांखा देंखोगिरि वाजिड खानआ रुंसारि जादोंमोन

    बे बाराव कर’ना नङा न’र’ भाइरासआ साग्लोबदों माखासे खुदियाफोरनि देहायाव

    बुहुमआव बोसोरै खमैबो 685 सुबुंनि देहायाव न'र' भाइरासजों गाग्लोबजायो