17 C
Guwahati
Friday, December 4, 2020
  • जागायनाय
  • भिदिअ
  • टाइम कास्ट
More

    लावथि आलि

                                             लिरगिरि – अमृत खेरकाटारी

           गामाखालिनि बादि दिनैबो लावथि, थेंगोना आरो हारांगामोना बेलासे जानाय लोगो लोगो लावथिमोननि सिथला खनायाव मदिराजों गाफबदों। लासैनो जौनि निसाया नांहांबाय। बिसोरनि लोंनायखौ रावबो बादा होनो हाया। जौ लोंनायखौ बादा होनांगौब्ला सोर सोर जौ लोङा खोनथाग्रोनो बुंग्रो लावथिआ। लोंनायाबो, बानलु सिफ्लेनाय, माब्लाबा बाथोन आरो माब्लाबा बिजिफोरा नागुरना मोन्नायखौ बाथोन सिफ्लेना जौजों लोङो।

           ”नै नोंसोर जौजोंसो गोदौना दं, नोंसोरजों मा रायज्लायबावनो” गामिनिनो समाज फोसाबग्रा लाइमोन सेंग्रा बिरदावा बिसोरखौ नुना बुंबाय। बिरदाव, सोमखोर आरो जोंसारमोना दिनै गामि गामि नखर नखर हाबना बर’ बिजों फोथांनांगौनि बाथ्रा बुंदों। बर’ बिजोंखौ फोथांनोब्ला बयबो बर’फोरा गावबा गावनि फिसाफोरखौ बर बिजोङाव फोरोंनांगोन होनना गामि गामि हाबनानै बुजायदों हानायमानि।’मा बाथ्रा ब्रा रायज्लायनो हागोन फंबाय’ लावथिआ बुंबाय।’ नोंसोर सानफ्रोमबो लोंलाय जालाय खालामना फिसाफोरखौ माबोरै फोरोंनो?’ सोमखोरा बुंबाय।’ ‘जोंबो मोनथिगौ ब्रा बांद्राय लोंखाया,… बेखायनो हायाबाबो इंलिज स्कुलाव एमिनेसन होना होदों’ लावथिआ बुंबाय गरसे बोस्रोना। ‘बे खोथाखौनो बुंनो फैदों जों, जोंनि फंबाय बिनानावमोनखौ, बर’ नथफोरखौ बर’ बिजोङाव मुं थिसनना होनांगौ, लासै लासै जोंनि बर’ बिजोंनि फरायसा फरायसुलिफोरा खम जादों बेखायनो बर’ बिजोंखौ फोथांनो बर’ बिजोङावनो मुंथिसनना होनांगौ, बर’ बिजों थाब्लासो बर’ राव, थुनलाइ थांना थागोन’ बिरदावा लावथिमोनखौ थांखिना बुंबाय। जौनि निसायाव थेंगोना आरो हारांगाया खोथाखौ हमस्लाबनो हायाखै। ‘बिदिब्ला जोंनि फिसाफोरा जामबा जानांगौ नामा? जों जामबाब्लाबो जोंनि फिसाया जामबा जानो हाया, आमोखायाबो मोनथिगौ ब्रा, खनबा मेत्रिक आन्जाद होनायनि इसपिरेन्स दंखायो, सोर साबोसे गिदिर गोलावनि गथ’ फोरा बर’ फारायदों ब्रा। राव थुनलाइखौ लाखिनाया जोंनिल’ बिबान नामा ब्रा, बर’ फरायना मा जानो ब्रा… ” जानायनिफ्राय सिखारलायना बुंबाय लावथिआ। लावथिनि निसाया खारहांबाय। ” बर’ बिजोंजों फरायनानैबो लेखा गोरों जानो हायो, नोंसोर जुदि सानफ्रोमबो जौ लोंना थाबाय थाब्ला इंलिज स्कुलाव मुं थिसनबाबो मोजां जानो हानाय नङा’ सोमखोरा गोमजोरै बुंबाय। ‘माथो गबिन्द मासथारा गाव स्कुलाव बर’ फोरोङो गावनि फिसाखौ इंलिस स्कुलाव हगारो, बर’ फायबा बि. टि. सि. आव थाब साख्रि मोनगोन नामा? गिदिर गोलावफोरा बि. टि. सि. आव बर’ फरायबा साख्रि होगोन होनना एजेनदा लादो आंबो अब्ला फिसाखौ बर’ फरायहोगोन’ लावथिआ गुरैयै बुंबाय। बिनि खोथाखौ थेंगोनाया हमस्लाबनो हायाखै। बिरदावमोना बिनि बाथ्राफोरखौ दानानो हायाखै। खालि बुंबायल’ बर’बिजोंखौ फोथांना लाखि नांगौ। बिब्दि होनना बिरदावमोना ओंखार लांबाय।

    Photo Credit : Khungur Boro.

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    प्रमद बर’आ ट्रेक्टर कम्पानिनि एजेन्ट : चन्दन ब्रह्म

    बिटिसि बिसाइख'थिनि मुङाव रां लानानै ट्रेक्टरनि इडभारटाइजसो खालामबाय थादों

    गावबुरानि गोसो थोनायाव बोदोर जानानै खारस’न फैदों सासे सिख्ला

    रुपहि कलेजनि फरायसुलिआ थांनाय 3 बोसोरनिफ्राय धिं जेङनिनि गावबुरा इक्रामुल हुसेइनजों मोजां मोनलायबोदोंमोन

    बिसायख’थियाव मोन 30 नि बारा एडिसनेल फर्स बाहायगोन: बि जे महन्त

    जायफोरा बिसायख'थि समाव हिंसायारी जाथाइ सोमजि होगोन बिथांमोनखौ गोख्रों साजा होनाय जागोन आरो बिसायख'थियाव मोन 30 निबो गोबांसिन एडिसनेल फर्स बाहायगोन होन्नानै महन्तआ बुङो ।

    रुंसारि देंखोगिरि वाजिड खाननि बिसिखौ नारसिननानै धोरोमखौ सोलाय होदोंमोन

    हादोराव कर'ना जिउसानि साग्लोबसारनाय समावनो मुंदांखा देंखोगिरि वाजिड खानआ रुंसारि जादोंमोन

    बे बाराव कर’ना नङा न’र’ भाइरासआ साग्लोबदों माखासे खुदियाफोरनि देहायाव

    बुहुमआव बोसोरै खमैबो 685 सुबुंनि देहायाव न'र' भाइरासजों गाग्लोबजायो