17 C
Guwahati
Friday, December 4, 2020
  • जागायनाय
  • भिदिअ
  • टाइम कास्ट
More

    भुटान जेलआव रुंसारि जानाय सुबुंनि सोलेरखौ सिरां पुलिसनो गथायदों

    टाइम8,अक्टबर21

    सिरां जिलानि सासे थागिबिआ भुटाननि जेलआव गोलाव सम जोबथेनानै दोनजादोंमोन। बेनिनो दिनै 26 बोसोरनि उनाव खर्ग बाहादुर प्रधाननि गोथै सोलेरखौ भुटान सोरखारआ सिरां जिला पुलिस बिफाननो भारत-भुटान सिमना ओनसोलनि दादगिरि हाबग्रा लामाजों गथायनानै होयो।

    मखनो गोनां दि बिफानि गोथै देहाखौ 28 बोसोर बैसोनि फिसाज्ला सानु बाहादुर प्रधानआ सिनायनो हायाखैमोन। नाथाय गामिनि सुबुंफोरनि बुंनायजों गनायना लादोंमोन।

    गामिनि थागिबिफोरा फोरमायनाय बादिब्ला खर्ग बाहदुर प्रधानआ भारत-भुतान सिमना ओनसोलनि हाग्रा ओनसोलआव बन खनथुमनानै जिउ खुङोमोन। बेबादिनो इं 1994 मायथाइयाव गोरोन्थियै सिमना बारनानै भुटान हादोरनि हाग्रा ओनसोलआव थांसननाय समावनो भुतान आरमिया हमनानै जेलआव दोनहैदोंमोन। बे समाव फिसाज्लानि बैसोआ 2 बोसोरल’ जादोंमोन आरो बिखौ बिमाया खाङै बायै जोबोर खस्थनि गेजोरजों फेदेरबोदोंमोन। बिफानि महरखौ नुफैरै फिसाज्लाया बेनिखायनो दिनै बिफानि गोथै देहाखौ सिनायनो हायाखैमोन।

    गुबुन फारसेथिं पुलिसनि सुलुङाव फोरमायनाय बादिब्ला सिरां (गोदोनि बङाइगाव) जिला आमगुरि पुलिस थानानि सिङाव थानाय रानिझरा गामिनि थागिबि खर्ग बाहदुर प्रधानखौ जिनाहारि आरो मानसि बुथारनायनि दायआव भुतान सोरखारआ इं 1994 मायथाइनिफ्राय 30 बोसोर जेलनि साजा फोसावनानै दोनदोंमोन।

    हरखाब दिनै 26 बोसोरनि उनाव खर्ग बाहादुर प्रधाननि गोथै देहाखौ बेबाद गथायफैनायखौ लानानै सिरां जिलानि गर्खा सुबुंफोरनि गेजेराव सोमोनांहोदों।

    Photo Credit: Google

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गावबुरानि गोसो थोनायाव बोदोर जानानै खारस’न फैदों सासे सिख्ला

    रुपहि कलेजनि फरायसुलिआ थांनाय 3 बोसोरनिफ्राय धिं जेङनिनि गावबुरा इक्रामुल हुसेइनजों मोजां मोनलायबोदोंमोन

    प्रमद बर’आ ट्रेक्टर कम्पानिनि एजेन्ट : चन्दन ब्रह्म

    बिटिसि बिसाइख'थिनि मुङाव रां लानानै ट्रेक्टरनि इडभारटाइजसो खालामबाय थादों

    बिसायख’थियाव मोन 30 नि बारा एडिसनेल फर्स बाहायगोन: बि जे महन्त

    जायफोरा बिसायख'थि समाव हिंसायारी जाथाइ सोमजि होगोन बिथांमोनखौ गोख्रों साजा होनाय जागोन आरो बिसायख'थियाव मोन 30 निबो गोबांसिन एडिसनेल फर्स बाहायगोन होन्नानै महन्तआ बुङो ।

    रुंसारि देंखोगिरि वाजिड खाननि बिसिखौ नारसिननानै धोरोमखौ सोलाय होदोंमोन

    हादोराव कर'ना जिउसानि साग्लोबसारनाय समावनो मुंदांखा देंखोगिरि वाजिड खानआ रुंसारि जादोंमोन

    बे बाराव कर’ना नङा न’र’ भाइरासआ साग्लोबदों माखासे खुदियाफोरनि देहायाव

    बुहुमआव बोसोरै खमैबो 685 सुबुंनि देहायाव न'र' भाइरासजों गाग्लोबजायो