26 C
Guwahati
Wednesday, April 14, 2021
  • जागायनाय
  • भिदिअ
  • टाइम कास्ट
More

    “जोलै – दा सिद”नि फावखुंग्रि पेनसि ब्रह्म

    पेनसि ब्रह्मनि गोसोम आरो स’ना गाबनि आगर एरनाय दखना नुथाय आरो लोगोसे नारें खमला गाबनि खानायनि देलायग्राखौ जों जोबोर मोजां मोनदों। पेनसि ब्रह्मआ क’कराझार जिलानि थागिबि। फरायसालिनि सोलोंथायखौ क’क्राझारनि बि.पि.सि.एम. बेबिलेन्ड फरायसालिनिफ्राय आजावदोंमोन आरो क’क्राझार सोरखारि फरायसालिमानिफ्राय बि.ए. दिग्रि आजावनानै आरोबाव बड’लेण्ड मुलुग सोलोंसालिनिफ्राय मास्टार दिग्रिखौबो आजावो। बिथाङा दैदेनगिरि धन ब्रह्मनि “आगान- दोंसे मोजां मोननाय सल’मा” सावथुननिफ्राय सासे फावखुंग्रि महराव गिबिसिन आगान सुरजेनो। बिथाङा बयनिबो अननाय आरो मोजां मोननायखौ आजावना लानो हादों आरो बयजोंबो अनसाय जानाय गोबां मेथाय भिदिअ’फोर जेरै दा किरातासनि “बिबारआ बारो बोला”, किरनजित बसुमतारीनि “फै लै आगै फै” आरो माखासे सावथुनफोर जेरै बिथां र’जनि बसुमतारिनि “जोलै – दा सिद”, “सिजौ”, “दास्क” आरो बायदि- बायदियाव बाहागो लायो। बिथाङा आरोबाव केनि बसुमतारीनि “हेभि बाजेत”निबो मोनसे बाहागो।

    महर-मुस्रि । दखना गाननानै मोजां मोनग्रा पेनसिया बै सानखालि स’ना गाबनि आगर गोनां गांसे गोसोम दखनाजों जोंखौ गोमो होयो आरो जों गावनि मेगनखौ बिथांनिफ्राय दावथ्रोद होनो हायाखै।

    गाननाय दखना । बिथां फावखुंग्रिया गांसे मोजां थाखोनि गोसोम आरो स’ना गाबनि दखना गानदोंमोन जेराव समायना स’ना गाबजों एरनाय आगरनि रोबै आरो लोगोसे मोदोम गंसेयाव नारें खमला गाबनि फिसा आगर एरनाय दंमोन। बेजों लोगोसे गोरोबनाय गुफुर गाबनि जोमग्रा जेराव गोसोम आरो स’ना गाबजों एरनाय रोबै आरो फिसा नारें खमला गाबजों जेराव मेराव बिबार आगर एरनाय दंमोन।

    देलायग्रा । समायना सिख्लाया गावनि महरजोंल’ गावखौ समाय होदोंमोन। ज’रासे स’नानि समायना झुमकाजों लोगोसे खाफालाव मोनसे फिसा फोथा आरो आखायाव माखासे स’नानि आसानफोरखौ ल’ आजावनानै गावखौ देलाय होदोंमोन। बिथाङा गावनि खानायखौ नारें खमला गाबनि मोनसे देलायग्रा दुरुंजों देलाय होदोंमोन।

    बर’नि गुबै हायनारि। पेनसिया खनले-खनले बर’नि गुबै हायनारि होनना ग’नाय जागोन आरो बै द’खनानि नुथायानो बिथांनि दाग गैयि समायनानि दिन्थि। जायखि जाया, जों गावनि मेगनखौ बिथांनि समायना महरनिफ्राय दोरोद होनो हायाखै, नोंथांमोना हादोंना ?

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    गुवाहाटी गोजौ बिजिरसालिआ नेवसिदों रन्जन दैमारि आरो गुबुन एनडिएफबि दैदेनगिरिफोरनि बेइलनि आर’ज

    बावैसो सिगां, रन्जन दैमारिजों लोगोसे सा 9 दैदेनगिरिफोरा स्पेसियेल जद्ज, सिबिआइनि साजाखौ बोखारनो गोजौ बिजिरसालिआव आर’ज खालामदोंमोन।

    Digital Platform आव बर’ सावथुनखौ फोजौखांनो थाखाय NEWBO मुंनि APPS बेखेवदों

    सोरखारि साख्रिखौल आसा खालामनानै थाया लासेनो कक्राझार जिल्लानि सिङाव थानाय दतमा हालामनि M. Tech. (IIT Dehradun) उथ्रिसारनाय मारुंसा सोरां ब्रह्मआ बर' सावथुनजों लोगोसे गुबुन गुबुन राव हारिनि राव हारिमुखौ डिजिटेल प्लेटफर्म आव फोजौखांनो मिजिं लानानै NEWBO मुंनि APPS बेखेवदों।

    बङाइगावआव हाग्रा बिफाननि नायबिजिरनाय; हमदों आयेन बेरेका दंफां मिल

    हाग्रा बिफानआ नायबिजिरनानै हमना मोनो आयेन बेरेखा दंफां मिल।

    जायगा-जायगा एजाहार होनायनि उनावनो निमाहा बिबाय आदिबासि धोरोमारि मेथाय खनगिरि आरो सुजुगिरिया

    दोंसे मेथाय आरो बिनि उनावनो सावराय जादों। आसामजों लोगोसे उरिष्या, झारखंड, पश्चिमबंगखौ लाफानानै गोबां रायजोनि जायगा-जायगा केस होदों मेथायजों लोबबा थानाय सुबुंफोरनि सायाव।

    गिख्रंथाव अर खामनायजों सानै खुदियानि जिउ खहा : गं 30 फायार ब्रिगेडनि गारिया जाथायथिलिसिम सफैदों

    गिख्रंथाव अर खामनायनि जाहोनाव सानै खुदियाफोरा खामथारजानो गोनां जादों होनना मिथिनानै मोनदों