17 C
Guwahati
Friday, December 4, 2020
  • जागायनाय
  • भिदिअ
  • टाइम कास्ट
More

    जिउनि गुदुं मोन्दांथि

           लिरगिरि – पिंकु बरगयारि

    आंनि थाइनै मेगननि मोदैखौ

    आं दाना दुखुनि मोदै होन्ना माब्लाबाबो सानथारला‌ ….!

    जिउनि दुखुनि

    समाव

    आं मिनिखैरोरो मोखांजोंनो मिनिस्लुनो रोंथारबायसै ….!

    मोन्दांथिफोरा दाना आंना

    मोदैजों

    दुखुजों

    सानबोलावरिजों गोदोहाबनानै थानायनि सम गैयथारला ….?

    सुखुखौल नागिरनो माबोरै

    जोनोमानो

    गासैखौबो गोबाना लानांगौनि थाखायखाबोला ….?

    दुखु गैयाब्ला

    मोदै गैयाब्ला

    जिउनि थांना थानांगौनि लामायाबो ओंथि गैयै

    बिखायनोथ गासैबो मोन्दांथिफोरा मालाय बै अबंलावरिनि गेलेहोनाय …!

    आं माब्लाबा गोबां दुखुजों दावहा होयो

    आं माब्लाबा गोबां मेगनि मोदैजों जुजिथाबनो गोनां जायो

    अब्लाबोदि आं माब्लाबाबो फोलाना लायाखै जावले-जावले

    जेनखांनाय बै जारिमिननि गोबां खोथा

    आं आरो गोनांथिबो साना …….!

    आंनि दुखुखौ लानानैनो

    आंनि मोदैखौ लानानैनो आंदि दिनै सौसियै-सौसियै

    नैबे थासारिसिम सफैदों बिहायनोथ दं आंहा जिउआव गोजोन्नाय ।

    आंनि थाइनै मेगननि मोदैखौ

    आं दाना दुखुनि मोदै होन्ना माब्लाबाबो सानथारला ……!

    खोन्दो-खोन्दो

    दिखांख’ हायै सोलेरा माब्लाबा-माब्लाबा

    आखाइ फोलाव-फोलाव लेंहरबायो थैनायनि मोनसे बुब्लि

    नाथाय……..

    हागोन माबोरै हर्खाबै थैलांगोन …..?

    बेसेन गोसा जिउ आरो

    आथिं आखाइ गोख्रों जाना आं थैनोनो बाथारोबोदि ….

    जेराव जोनोमजों लोगोसे

    जिउनि गेलेनाय बुब्लियाव आगान मोनसे गालांनो आंदि बेसे आथुरथार ?

        ******************************************

    Photo Credit : Google

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं

    प्रमद बर’आ ट्रेक्टर कम्पानिनि एजेन्ट : चन्दन ब्रह्म

    बिटिसि बिसाइख'थिनि मुङाव रां लानानै ट्रेक्टरनि इडभारटाइजसो खालामबाय थादों

    गावबुरानि गोसो थोनायाव बोदोर जानानै खारस’न फैदों सासे सिख्ला

    रुपहि कलेजनि फरायसुलिआ थांनाय 3 बोसोरनिफ्राय धिं जेङनिनि गावबुरा इक्रामुल हुसेइनजों मोजां मोनलायबोदोंमोन

    बिसायख’थियाव मोन 30 नि बारा एडिसनेल फर्स बाहायगोन: बि जे महन्त

    जायफोरा बिसायख'थि समाव हिंसायारी जाथाइ सोमजि होगोन बिथांमोनखौ गोख्रों साजा होनाय जागोन आरो बिसायख'थियाव मोन 30 निबो गोबांसिन एडिसनेल फर्स बाहायगोन होन्नानै महन्तआ बुङो ।

    रुंसारि देंखोगिरि वाजिड खाननि बिसिखौ नारसिननानै धोरोमखौ सोलाय होदोंमोन

    हादोराव कर'ना जिउसानि साग्लोबसारनाय समावनो मुंदांखा देंखोगिरि वाजिड खानआ रुंसारि जादोंमोन

    बे बाराव कर’ना नङा न’र’ भाइरासआ साग्लोबदों माखासे खुदियाफोरनि देहायाव

    बुहुमआव बोसोरै खमैबो 685 सुबुंनि देहायाव न'र' भाइरासजों गाग्लोबजायो