26 C
Guwahati
Wednesday, April 14, 2021
  • जागायनाय
  • भिदिअ
  • टाइम कास्ट
More

    आं जेब्ला गिबिसिन रिभलभारखौ लायो अब्ला सोरबा बुंदोंमोन दि बेयो लांदां राउन्दजों सुफुंनाय: केनी बसुमतारी

    टाइम8 बर’नि जानानै सावथुन मुलुगनि फावखुंगुर केनी बसुमतारीजों बयनिख्रुइबो सिगां मोगा-मोगि लानाय जादोंमोन। बिथांजों जेरै सावरायज्लायदोंमोन, बिदिनो एसे लिरनाय महराव सुजुनानै फोसावनो नाजादों। टाइम 8 बर’नि जानानै मोगा-मोगिखौ लादोंमोन टाइम 8 बर’ बिफाननि जिउखांनाय सुजुगिरि चन्दास्मिता सिमां बसुमतारीआ।

    टाइम8 बर’ : नोंथांनि बलिउद बिथांखि – ‘यारा’नि सायाव एसे फोरमायनो हागोनना ?

    केनी : ‘यारा’या मोनसे गिदिर दायनिगिरि हानजानि सल’मा । साब्रै बिलोगोनि बागै जाय उन्दै समनिफ्रायनो इनाय हाबा मावनो हमबोदों आरो बैसो जानायजों माबादि बिसोरनि बिसुखे सोमोन्दोआ गोबां रोखोमै आनजाद नायजायो। zee5.com आव बेखौ नायनो हासिगोन ।

    टाइम8 बर’ : ‘यारा’याव नोंथाङा माब्रै फैखो ? बै आखुथायखौ गानायाव नोंथांनि देरसिन रोंगौथिया मा ?

    केनी : बै आखुथायनि थाखाय आंखौ आनजादाव लिंहरनाय जादोंमोन। बिसोर मोजां मोनदों जानो हागौ ! मानोना बिसोर आंखौ बिजय बर्माजों नैथि आनजादनि थाखाय लिंहरबावो। थामथि खेबाव बिसोर दैदेनगिरिखौ लोगो हमनो लिंहरो। आं सानदोंमोन बेयो दासिम गुबुन मोनसेबाव आनजाद । नाथाय आं जेब्ला थांदोंमोन आं मोनथिनो मोनोदि आंनो जोबथा बादायारी।

    आंनि बयनिख्रुइ देरसिन रोंगौथिया जादोंमोन बिद्युत जामवाल बादि आबुं सोलेर गोनां सोरबा सासेजों गस्ला गैयै नुथाय खोन्दो।

    टाइम8 बर’ : जायखि जाया गोसोआव नांनाय जाथाय जायखौ ‘यारा’नि सेबखांनायाव गोसो खाङो ?

    केनी : आंनि गिबिसिन गावलायनाय नुथाया भपाल खाथिनि मोनसे गामियावमोन। आं जेब्ला गिबिसिन रिभलभारखौ लायो अब्ला सोरबा बुंदोंमोन दि बेयो लांदां राउन्दजों सुफुंनाय। बेनिखायनो आं आनजाद नायनो थाखाय गरथाम गुलि गावना नायो । ब्लेंक- ब्लेंक- ब्लेंक ! बेनि उनाव आं नुनो मोनोदि दैदेनगिरि आरो एक्सन दैदेनगिरिआ आंखौ मिनिस्लुयै नायनानै दंमोन । तिग्मांसु धुलिया या सिरियै बुङो- गरसे गुलिनि बेसेना 250 रां। आं बावैसो सिगां 750 रां खहा खालामबाय।

    टाइम8 बर’ : ‘यारा’याव नोंथांनि आखुथायखौ बिजिर। नोंथांनि बादिब्ला आखुथाया माबोरै ?

    केनी : आखुथायनि मुङा जादों भीमसेन थापा। नाथाय बेखौ बयबो बाहादुर होननानै गाबज्रियोमोन। बियो हानजानि बयनिख्रुइबो फोथायसुला आरो दलर थाग्रा आरो जेंना सुस्रांनो नाजाग्रा आखुनि। बेयो गावआरि सुबुंथायजों लोगोसे गुबुन फाव दिन्थिगिरिजोंबो गोरोबनाय मोन। आं बांसिन गोमजोर मोन।

    टाइम8 बर’ : नोथाङा गावनि आखुथायाव माखौ मोजां मोनो?

    केनी : फोथायसुला ।

    टाइम8 बर’ : नोंथाङा गावनि आखुथायाव माखौ गाज्रि मोनो?

    केनी : आं मोनसे गोलाव बुलायनाय नुथाय लुबैदोंमोन। नाथाय बेयो हरनि 3 रिंगा जाबायमोन। बेनिखायनो सम गैयामोन।

    टाइम8 बर’ : जुदि बे आखुथायखौ नोंथाङा गायामोनब्ला बलिउदनि सोर मुंदांखा फावथायगिरिखौ बे आखुथाय गानायखौ नायनो मोजां मोनगौमोन ?

    केनी : आं बलिउदनि फावखुंगुरफोरनि बागै बुंनो थाङा। नाथाय जुदि आं जायामोन, अब्ला आंनि लोगो फावखुंगुर सुनित बरा एबा मृगेन्द्र कवरआ बे आखुथायखौ गानो हागौमोन।

    टाइम 8 बर’ : सावथुनआव नोंथाङा मोजांसिन मोन्नाय रायलायनाय बाथ्रा सारिया मा ?

    केनी : “सामान खराब निकला क्या ?”

    टाइम 8बर’ : श्रुति हासनजों नोंथांनि खामानि मावनाय रोंगौथिखौ फोरमाय।

    केनी : आं बिथांजों माखासे नुथायावल’ दंमोन। बिथाङा गोरों आरो बिजों रायलायना मोजां मोनदोंमोन।

    टाइम8 बर’ : नोंथांनि “आंगोफोरखौ अनसायनाय” नि सायाव बाथ्रा दानथेलाय।

    केनी : बिद्युत जामवालआ बुंदोंमोन दि जों बयबो सरासनस्रा गावजों गावनि लोगो आरो न’खरखौ मदद होनो मोजां मोनो । नाथाय जेंनाया अब्ला सोमजियो । जेब्ला जों गुबुनखौ सिङाव दोन्नानै लाजि फोनांनो नाजायो आरो बियो गोरोन्थि। मुंदांखा मानसिफोरनाव सुबुं सोमोन्दोनि थाखाय गोबां रां थायो । जायनि थाखाय बिसोर सुबुं बिजोङाव बांसिन आदुवा मुवायावबो नुजायो। जुदि रायजो-राजाफोरा बिसोरखौ गोसो होनो नागारो मानोना बिसोर x एबा y नि फिसाज्ला एबा फिसाजो । अब्लानो बिसोर गावनो गोमोरलांगोन । जेब्लासिम बिसोर गोरों आरो गोब्राब नाजाग्रा जानो हाया। रणबीर कपूरआ बेनि मोजां दिन्थि।

    टाइम8 बर’ : दानिया, जों श्रुति हासन आरो यारा आरो बलिउदनि सायाव रायलायगासिनो । नोंथाङा मा सानो सुशांत सिंह राजपूतनि रुंसारीनि बागै ? थार बाथ्राया मा ?

    केनी – आं जेबो सान्नानैनो मोना । नाथाय जाथाया आंनि थाखाय बयनिख्रुइ खाफाल गाज्रि, समखिखां होनाय आरो दुखुनांथाव बुंगोन।सेंग्रा मिजिंगोनां जिउआ बेबायदि अबथिरा गोमालांनाया थारैनो सान्नांगौनि बाथ्रा आरो एस एस आरनि थैनाया एंगारजायै। बिथांनि जिउआ अराय गोजोनै थाथों।

    टाइम8 बर’ : जों नोंथांखौ बर’ सावथुनआव नुगोन होन्ना मिजिं थिजायो नामा ? जोंनि सुबंफोरा नोंथांखौ मोजां मोनगोन।

    केनी : जों गोबां बर’ सावथुन बानायदोंमोन। नाथाय दैदेनगिरिजों खामानि मावनाया जायासै। नाथाय नोंथांमोना आंखौ थाबैनो ‘उटपाट’ मुंनि सावथुनाव नुनो मोनगोन।

    टाइम8 बर’ : बर’ सावथुन, मेथायफोर, देलायनाय, गान्नाय-जोमनाय, फावथायगिरि आरो बिसोरनि फावथिनानि सायाव रोखायै बुं।

    केनी : आं थारैनो मोननैल’ नायबाय। जोलै, जेराव बै गोजोन गोयै दावरावआव जों माबादि सम बारग’ होदोंमोन बेखौ बयबो मोनथिनो नाजानांगौ। आरो गान्जा फाग्ला, जाय थार ओंथियाव मोजां खामानिजों लोगोसे मोनसे रंजा होनो हानाय थांखिखौ सुफुंनो हादों, जायखौ जोंनि आंगो उत्कल हाजवारीआ क’रिय’ग्राफ खालामदोंमोन।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ट्रेन्दिं